Biełarusbank uvioŭ sistemu pravierki rekvizitaŭ praz machlaroŭ
Kali rekvizity kali-niebudź fihuravali ŭ złačynnych schiemach, klijent nie zmoža zaviaršyć apieracyju
Samy bujny biełaruski bank zapuściŭ miechanizm pravierki rekvizitaŭ z-za machlaroŭ, paviedamili ŭ aficyjnym telehram-kanale finustanovy. Z dapamohaj hetaha miechanizmu jany zmohuć vyznačać kartki i rachunki ź niadobranadziejnymi rekvizitami, jakija ašukancy mahli vykarystoŭvać dla vyvadu vykradzienych hrošaj.
«Kali rekvizity kali-niebudź fihuravali ŭ złačynnych schiemach, klijent nie zmoža zaviaršyć apieracyju», — havorycca ŭ paviedamleńni.
Pry hetym klijent banka atrymaje nastupnaje apaviaščeńnie: «hrašovy pieravod pa ŭkazanych vami rekvizitach niemahčymy ŭ suviazi z najaŭnaściu ŭ banka prykmiet niesankcyjanavanaha pieravodu (mahčymym machlarstvam)».
Jak padkreślili ŭ banku, pieravieści hrošy na hety rachunak abo kartku možna budzie, ale tolki paśla praviadzieńnia razboru pravaachoŭnymi orhanami.
Kamientary
"kont" - užyvajecca tolki ŝ pieranrsnm sensie
U banku - "rachunak"