Jarmošyna: Ja nie mahu padtrymać kult asoby Stalina. Siamja majho baćki była raskułačanaja, pałova zahinuła
Raniej byłaja staršynia Centrvybarkama raskazvała, jak jaje baćka «vajavaŭ ź bienderaŭcami ŭ Lvoŭskaj vobłaści».
Padčas tak zvanaha Marafona adzinstva ŭ Hrodnie byłaja staršynia Centrvybarkama Lidzija Jarmošyna zhadała svaju siamiejnuju historyju.
Kažučy pra kandydata ŭ prezidenty, kamunista Siarhieja Syrankova, jana zaŭvažyła:
«Ja nie mahu addać svoj hołas u padtrymku spadara, dakładniej skazać, tavaryša Syrankova. Jon prapanuje adnavić kult asoby Stalina. Siamja majho baćki była raskułačanaja, pałova zahinuła. Ja nie mahu padtrymać padobnaje. Heta ŭsio ŭčorašni dzień»,
pryvodzić jaje słovy «Točka».
Cikava, što raniej Jarmošyna raskazvała, jak jaje baćka Michaił Harkavienka vajavaŭ na Ukrainskim froncie. Vajna dla jaho skončyłasia ŭ Vienhryi, u jaho miedal za vyzvaleńnie Budapiešta.
«Paśla vajny jon vajavaŭ ź bienderaŭcami ŭ Lvoŭskaj vobłaści», — uspaminała Lidzija Jarmošyna.
Jarmošyna, darečy, sama spasyłałasia na Stalina. Naprykład, ličyła, što datu vybaraŭ treba vyznačyć pa-stalinsku.
«Ja całkam zhodnaja ź Iosifam Visaryjonavičam Stalinym, jaki nazyvaŭ aptymalnym časam, pa sutnaści, dva miesiacy — listapad i sakavik», — zajaŭlała Jarmošyna.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary