Jarmošyna: «Paśla vajny moj baćka vajavaŭ z «bienderaŭcami» na Lvoŭščynie»

Staršynia CVK Lidzija Jarmošyna raskazała resursu «Sputnik» pra svajho baćku-vajskoŭca.

Pavodle jaje słoŭ, baćka, Michaił Harkavienka, byŭ artylerystam. «Samaja jarkaja historyja, jakuju ja zapomniła ź jaho redkich uspaminaŭ, heta apoviad pra ranieńnie i špital, u jakim znachodzilisia takija ž ciažka paranienyja bajcy», — raskazała Jarmošyna.

U baćki było nastolki mocnaje skivičnaje ranieńnie, što jaho adpravili ŭ špital u Taškient. Było vielmi hoładna, raspaviadaŭ jon dačce, paranienych u špitali karmili kašaj, jakaja składałasia z vady i rysu. «Baćka paśla Taškienta rys naohuł nie jeŭ nikoli - ni płoŭ, ničoha. I jon raspaviadaŭ, što dla taho, kab vyžyć, bajcy, u jakich było imiannaja zbroja, stralali čarapach. Heta ž byŭ Taškient, pustynia, stepy, čarapach było šmat. I voś ź ich varyli navarysty sup», - adznačyła kiraŭnik CVK.

«Jašče byŭ apovied mamy pra baćku. Pavodle jaje słoŭ, u vyniku kantuzii jon byŭ niejki pieryjad hłuchaniamym. I byli momanty, raspaviadała mama, kali jon chacieŭ pakončyć z saboj. Ale potym pastupova viarnułasia havorka, a potym i słych viarnuŭsia. I pavoli syšła biezvychodnaść», — praciahnuła Jarmošyna.

Jašče adzin dziciačy ŭspamin: jana nikoli nie bačyła, jakija ŭ baćki byli zuby. «Potym ja zrazumieła, što zuby ŭ jaho byli žaleznyja. Jon byŭ maładziejšy za mamu na try hady, i ŭ toj čas jamu było krychu za dvaccać», — raspaviała jana.

Baćka taksama raspaviadaŭ joj, što za ŭsio vajennyja hady čałavieka zabiŭ tolki adzin raz. «Ja jamu kažu — jak adzin raz? Ty ž kamandavaŭ artyleryjskaj batarejaj?! Jon kazaŭ: nie, kali z harmaty stralaŭ, ich nie bačyŭ, ale adnojčy była štykavaja ataka, i ja zabiŭ štykom voraha. Voś i ŭsio apaviadańni», - adznačyła Jarmošyna.

Baćka kiraŭnicy CVK vajavaŭ na Ukrainskim froncie, vajna dla jaho skončyłasia ŭ Vienhryi, u jaho miedal za vyzvaleńnie Budapiešta. «Paśla vajny jon vajavaŭ ź bienderaŭcami ŭ Lvoŭskaj vobłaści», uspaminaje Lidzija Jarmošyna. Mienavita tak, pra «bienderaŭcaŭ» piša «Sputnik».

«Baćka pamior 11 hadoŭ tamu. Maje baćki raźvialisia, kali im było pad 60 hadoŭ. Heta było 38 hadoŭ tamu, u toj, hod, kali naradziŭsia moj syn. Jany zusim nie pasavali adzin adnamu. Tata prosta zahulaŭ pad staraść hadoŭ. I ŭ 57 jon byŭ cikavy mužčyna z podpałkoŭnickaj piensijaj, z mašynaj… Uvohule, zajzdrosny žanich. I ŭ inšym šlubie jon paśpieŭ adznačyć siarebranaje viasielle», — padzialiłasia Jarmošyna.

* * *

Historyja ŭźlotu babrujskaj jurystki Lidzii Jarmošynaj

• 0
• 0
• 0
• 0
• 0
• 0
• 0
• 0