Z 14 lutaha ŭjazdžać u Litvu na mašynach ź biełaruskimi numarami zmohuć tolki biełarusy ź litoŭskimi DNŽ i jašče niekalki katehoryj
Na svaim sajcie litoŭskaja pamiežnaja słužba 17 studzienia paviedamiła pra novy paradak ujezdu aŭtamabilaŭ ź biełaruskimi numarami ŭ Litvu. Z zaŭtrašniaha dnia Litva pavinna była zabaranić ujezd mašyn ź biełaruskimi numarami.
Z 14 lutaha 2025 hoda ŭstupaje ŭ siłu abnoŭleny paradak ujezdu aŭtamabilaŭ ź biełaruskimi numarami ŭ Litvu. Jon ustanoŭleny ŭ adpaviednaści z Rehłamientam Savieta № 765/2006 i jaho apošnimi źmienami (Rehłamient № 765/2006) 2024/1865) i rehuluje vykarystańnie takich transpartnych srodkaŭ na terytoryi krainy, piša «Vołna».
Asnoŭnyja ŭmovy:
1. Ujezd dazvoleny tolki lehkavym aŭtamabilam, jakija naležać hramadzianam Biełarusi, jakija: majuć vizu abo dazvoł na žycharstva ŭ Litvie, jaki daje prava ŭjezdu ŭ ES; vykarystoŭvajuć aŭtamabil vyklučna dla asabistych metaŭ (vyklučeńnie dla jurydyčnych asob i kamiercyjnaha vykarystańnia nie dapuskajecca).
2. Ujezd taksama dazvoleny hramadzianam krain ES, jakija pražyvajuć u Biełarusi, kali aŭtamabil vykarystoŭvajecca tolki dla asabistych metaŭ.
Abmiežavańni nie raspaŭsiudžvajucca na:
— aŭtamabili z dypłamatyčnymi numarami, jakija vykarystoŭvajucca dla dziejnaści dypłamatyčnych misij abo asabistych patreb dypłamataŭ i ich siemjaŭ.
— aŭtamabili, jakija pieravoziać cieły pamierłych.
Roźnica ŭ tym, što ciapier možna zajechać u Litvu praz Polšču i navat vyjechać u Biełaruś praź Litvu. Z 14 lutaha tak rabić budzie nielha, bo tolki vyšej pieraličanyja padstavy dajuć mahčymaść prymać udzieł u darožnym ruchu na aŭto ź biełaruskimi numarami pa Litvie.
Adkaznaść za parušeńni:
Pry vykarystańni aŭtamabilaŭ ź biełaruskimi numarami z parušeńniem ustanoŭlenaha paradku ŭładalnikam pahražaje štraf i kanfiskacyja aŭtamabila ŭ adpaviednaści z Kodeksam ab administracyjnych pravaparušeńniach, artykułam 515.
Kamientary