U Minsku kvatera z takim vysokim paradkavym numaram usiaho adna. I jana pradajecca
Viasnoj 2021 hoda ŭ Minsku byŭ zafiksavany svojeasablivy rekord: u adnym domie raźmiaściłasia adrazu 1011 kvater, piša Onliner.by.
Da hetaha času «carycaj šmatpaviarchovak» ličyłasia panelka na vulicy Jasienina, u jakoj atrymali kvadratnyja mietry 889 ułaśnikaŭ.
Ale voś — novaja vyšynia. Dakładniej «Chvala». Bo mienavita ŭ hetym domie ŭ «Minsk-Śviet» akazaŭsia skancentravany kvaterny maksimum.
Z času zdačy doma, bolš padobnaha na kruizny łajnier, prajšło niamała. Ale cikavy fakt: taja samaja 1011-ja kvatera ŭsio jašče svabodnaja! I kožny, u kaho jość 288 000 rubloŭ u zapasie, moža stać jaje ŭłaśnikam.
Kali vieryć sajtu zabudoŭščyka, jeŭradvuška maje ahulnuju płošču 51,9 kvadratnaha mietra. Pry hetym «unutranaja častka» składaje prykładna 40,7 «kvadrata».
Astatniaje — terasa (29,5 «čystych» mietra, abo 8,83 — z kaeficyjentam) i bałkon na 2,4 «kvadrata» (1,69 z ulikam kaeficyjenta).
Jak uładkavana kvatera-rekardsmienka?
Žyłyja pakoi ŭ joj krychu bolš za 13 mietraŭ. Da haścinaj taksama prymykaje ŭmoŭnaja kuchnia na čatyry «kvadraty». Častka mietraŭ u joj ža «źjadajecca» leśvicaj, jakaja viadzie na tuju samuju šykoŭnuju terasu. Ujavicie, jaki vid adkryvajecca z 21 paviercha!
Jašče čatyry z pałovaj kvadratnyja mietry prypadajuć na sumieščany sanvuzieł. Piać z pałovaj — na piaredni pakoj. Voś i ŭsio. Uźviadzieš pieraharodki pamiž pamiaškańniami — jašče niedzie mietr straciš. Ale što ŭžo zrobiš: taki los usich varyjantaŭ sa svabodnaj płaniroŭkaj.
Adzin kvadratny mietr u kvatery zabudoŭščyk aceńvaje ŭ 1540 jeŭra pa kursie. To-bok usia dvuška abydziecca ŭ 79 926 jeŭra ($82 390) u ekvivalencie. I heta ŭ užo hatovym i zasielenym domie (što, biezumoŭna, pryjemna).
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia8080
Kamientary
A kak vielikolepno u mieniedžierov-riełtorov: Sieviernaja Amierika, Zapadnaja Jevropa, Tropičieskije Ostrova...
A v Majakie Minska jeŝie kručie: Mikiełandžieło, Hojia, Matiss...
Ispohanili biezobraznym stroitielstvom nie tolko etot uhołok Minska, no i vielikije imiena.