Pamior Artur Zielski, jaki z 2010 hoda ŭznačalvaŭ miemaryjalny kompleks «Chatyń». Jamu było 55 hadoŭ.
Zielski byŭ nie tolki dyrektaram, ale taksama aŭtaram idei i kancepcyi muzieja ŭ miemaryjalnym kompleksie, jaki byŭ pabudavany pry im.
Taksama za 15 hadoŭ jahonaha kiravańnia była adnoŭlenaja Chatynskaja carkva, ustalavany pakłonny kryž, praviedzienaja maštabnaja rekanstrukcyja miemaryjała.
Pierad tym, jak uznačalić miemaryjał, vypusknik histfaka BDU Artur Zielski pracavaŭ nastaŭnikam licejskich kłasaŭ, zahadčykam muzieja historyi BDU. Byŭ kandydatam histaryčnych navuk, dysiertacyju abaraniaŭ pa temie «Pieršaja Pantyjskaja (Mitrydatava) vajna — baraćba Ponta i Ryma za hiehiemoniju va Uschodnim Mižziemnamorji».
Častka bijahrafii była źviazanaja z Kamitetam dziaržaŭnaj biaśpieki: u 2004—2010 hadach Artur Zielski pracavaŭ u Centralnym archivie KDB.
Udzielničaŭ u stvareńni Muzieja historyi BDU ŭ 1996 hodzie, historyka-demanstracyjnaha centra KDB u 2007-m, muzieja ŭpraŭleńnia vajskovaj kontrraźviedki KDB u 2010-m.
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary