Na Homielščynie milicyja papiaredžvaje niełajalnych hramadzian, kab nie išli na vybary
«Homielskaja viasna» paviedamlaje, što 6 studzienia ŭ kryminalna-vykanaŭčaj inśpiekcyi adnaho z RAUS Homielskaj vobłaści praviali «prafiłaktyčnuju hutarku» z asobami, jakija znachodziacca na tak zvanym «prafiłaktyčnym uliku», siarod ich i represavanymi z palityčnych matyvaŭ. Ź jaje vynikaje, što prychod na ŭčastki takich asob rasceńvajecca jak niepažadany.
Paśla niekalkihadzinnych raskazaŭ pra toje, jak cudoŭna žyviecca ŭ Biełarusi i pieraściarohaŭ ad niejkich učynkaŭ, jakija mohuć nie spadabacca ŭładzie, supracoŭnik kryminalna-vykanaŭčaj inśpiekcyi zahadaŭ usim znoŭ źjavicca na takuju samuju hutarku… 26 studzienia.
Na zaŭvahu, što na 26 čysło pryznačanaje hałasavańnie, milicyjanier nibyta adkazaŭ litaralna nastupnaje:
«Nu, pasprabujcie schadzić prahałasavać, pahladzim, čym heta dla vas skončycca. Vy svajo ŭžo adhałasavali ŭ 20-m hodzie!»
Słuchačy, jakija sabralisia ŭ zale RAUS, tak i nie zrazumieli sens takoj repliki.
«Ci heta zapužvańnie, ci adkryty namiok na toje, što i biez nas vyniki buduć takija, jak patrebna ŭładzie — i jaŭku napišuć, i patrebnuju kolkaść hałasoŭ Łukašenku. A źjaŭleńnie na tak zvanych vybarčych učastkach ludziej, jakija z 2020-ha hoda majuć ułasnyja palityčnyja pohlady, jakija vidavočna nie supadajuć z uładnymi, dla taje samaje ŭłady niepažadanaje»
— vykazvajuć zdahadki ludzi, jakija paviedamili pravaabaroncam pra incydent.
Hajdukievič zaklikaŭ nie dapuskać da vybaraŭ «zdradnikaŭ» i «piatuju kałonu»
«Treba niešta mianiać. Heta ŭžo naśpieła». Baćka Kanapackaj padzialiŭsia dumkami pra vybary i ŭdzieł dački ŭ ich
Łukašenka prapanavaŭ pryciahvać vajskoŭcaŭ dla achovy vybarčych kamisij
Hajdukievič i Kanapackaja ciapier mohuć adkryta ahitavać za siabie. Nu ci adrazu za Łukašenku
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary