«Dumała, budzie kala 250 jeŭra». Tyktok u zachapleńni ad taho, jak minčanka pryhatavała na zamovu śviatočny stoł
Kolki ž kaštuje naniać čałavieka, jaki zamiest vas prastaić la plity dzień, kab na śviatočnym stale nie było volnaha miesca?
Alesia Haŭryluk ź Minska nazyvaje siabie čaraŭnicaj smaku: jana na zamovu robić roznyja stravy — ad hastraboksaŭ z kanape da haračaha i tortaŭ. Svaju pracu žančyna pakazvaje ŭ sacyjalnych sietkach.
Niadaŭna jana vykłała ŭ tyktok rolik, u jakim raskazała, što pryhatavała dla siamji ź piaci čałaviek na Novy hod. Tam byli prafitroli z tvarožnym syram i ikroj, roznyja ruleciki, bruskiety, kanape, vialiki špinatny rulet z farellu, kłasičnyja sałaty «Sieladziec pad šubaj» i «Aliŭje», miasa z ananasam, śvinina ŭ biekonie, a taksama tort «Miedavik».
Haspadyni, jakaja zamaŭlała stravy dla svajho śviatočnaha stała, usio heta kaštavała 420 ruloŭ.
Za try dni videa ŭ tyktoku nabrała 1,4 miljona prahladaŭ i kala 75 tysiač łajkaŭ. Zrazumieła, siarod kamientataraŭ znajšlisia i tyja, chto aburyŭsia tym, što žančyna vyrašyła zamović prysmaki dla svajoj siamji zamiest taho, kab samastojna ŭsio pryhatavać. Ale bolšaść usio ž ličyć, što kali hrošy dazvalajuć, to lepš patracić čas na siabie abo siamju, čym na kuchniu.
Šmat kaho ździviŭ košt takoj zamovy, tamu Alesi raili padymać canu svajoj pracy: «Pabačyła i ździviłasia, kali pieraviała canu ŭ jeŭra: dumała, budzie kala 220-250 jeŭra».
U inšym videa Alesia raspaviała pra svoj šlach u prafiesijnyja kuchary. Kaža, kali skončyła piedahahičny ŭniviersitet, navat padumać nie mahła, što ŭ vyniku pačnie zarablać na furšetach.
Žančyna sprabavała siabie ŭ roznych śfierach: pracavała ŭ škole, potym u łahistyčnaj kampanii i navat prajšła kursy fitnes-trenierki. A paśla pabrałasia šlubam, pajšła ŭ pieršy dekret — i voś u hety čas jana pačała zdymać recepty dla tyktoku.
Potym naradziłasia druhoje dzicia. Alesia raspaviadaje, što kolkaść śviataŭ u siamji pavialičyłasia, a joj navat prostuju sustreču ź siabrami chaciełasia zrabić maksimalna smačnaj i niezvyčajnaj.
— Kožny raz usie ździŭlalisia, nakolki pryhožy stoł i smačnaja ježa. I tut ja złaviła siabie na dumcy, što rabić dla ludziej smačnuju ježu mnie padabajecca.
Tady Alesia vyrašyła prajści kursy pa furšetnym majsterstvie. Ciapier jana nazyvaje kulinaryju spravaj svajho žyćcia.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali3
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2525
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra25
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary