Siońnia avijakampanija «Biełavija» pradstaŭlała novuju formu bortpravadnikoŭ u Minskim płanietaryi, paviedamlaje BiełTA.
Novy vobraz supracoŭnikaŭ biełaruskaj avijakampanii raspracoŭvaŭsia bolš za dva hady. Płanujecca, što pasažyry zmohuć acanić novaŭviadzieńni ŭžo ŭ pieršych čysłach studzienia.
Jak adznačyŭ hienieralny dyrektar avijakampanii Ihar Čarhiniec, dyzajn źmianiŭsia kardynalna. U vopratcy źjaviłasia bolš elemientaŭ volnaha stylu.
«U pracesie abmierkavańnia abapiralisia na mierkavańni bortpravadnikoŭ: staralisia zrabić formu nie tolki pryvabnaj dla pasažyraŭ, ale i zručnaj dla supracoŭnikaŭ. Vykazvali dyzajnieram i biełaruskim pradpryjemstvam, jakija realizavali idei, svaje pažadańni», — adznačyŭ Ihar Čarhiniec.
U vopratcy pieravažajuć sinie-fijaletavyja, a taksama šeryja kolery.
Užo ŭ studzieni bortpravadniki prymierać zimovy varyjant formy, a z sakavika — letni.
Papiaredniaje abnaŭleńnie ŭniformy adbyłosia ŭ kastryčniku 2017 hoda, kali prezientavali vopratku błakitnych i sinich adcieńniaŭ ad brenda MUA. Da hetaha piłoty i bortpravadniki nasili ŭniformu šerych i sinich koleraŭ z ružovymi i čyrvonymi akcentami, prezientavanuju jašče ŭ studzieni 2013-ha.
Kamientary