Alaksandr Jakuščanka ździejśniŭ suicyd na pačatku 2024 hoda, kali jamu było 18 hadoŭ i siem miesiacaŭ. Pra zdareńnie stała viadoma tolki ciapier «Važnym historyjam». Pryjomnaha baćku chłopca zavuć Alaksandram Łukašenkam.
18-hadovy Alaksandr Jakuščanka, vyviezieny z Ukrainy ŭ Rasiju, pakončyŭ z saboj u pryjomnaj siamji ŭ Krasnadarskim krai, daviedalisia «Važnyja historyi».
Ab tym, što zdaryłasia, nie było viadoma publična. Hłava pryjomnaj siamji Alaksandr Łukašenka raspavioŭ «Važnym historyjam», što Jakuščanka paviesiŭsia za niekalki kiłamietraŭ ad novaha doma — jaho cieła znajšli rabočyja, jakija jechali ranicaj na źmienu.
Na pytańnie ab pryčynach samahubstva padletka, jaki pražyŭ u jaho ŭ domie amal hod, Łukašenka adkazaŭ: «Ja adkul viedaju, čamu? Jamu było 18 hadoŭ, jon byŭ paŭnaletni. Jon prosta ŭ nas žyŭ».
Niezadoŭha da śmierci Jakuščanka adpraviŭ svaim siabram hałasavoje paviedamleńnie, jakoje jość u rasparadžeńni «Važnych historyj», u jakim raspavioŭ pra svaje adnosiny z pryjomnaj siamjoj:
«Ja tam nikomu na**j nie patrebny. Mnie dali heta zrazumieć. Ja ŭsim žyćcio psuju. Ja nie zmahu, ja paviešusia… Kali b mianie nie było, ni ŭ kaho b, na**j, prablem nie było, kali b ja tolki siudy b nie pryjechaŭ», — kazaŭ jon.
Da vosieni 2022 hoda Saša Jakuščanka i jašče siem dziaciej žyli ŭ vioscy pad Chiersonam u dziciačym domie siamiejnaha typu.
Kali rasijskija vojski akupavali Chiersonskuju vobłaść, kiraŭnik dziciačaha doma Lidzija Šarvarły stała supracoŭničać z prarasijskimi ŭładami. Paźniej Ukraina viarnuła Chierson, paśla hetaha Šarvarły źjechała ŭ Rasiju, uziaŭšy z saboj dziaciej.
Sašu Jakuščanku ŭziała pad apieku pryjomnaja siamja Natalli i Alaksandra Łukašenki. Apošni kaža, što farmalna pad ich apiekaj padletak da svajho paŭnalećcia žyŭ usiaho miesiac, a potym siamja jaho prosta karmiła — «jamu nie było kudy iści, nie vyhaniš ža chłopca».
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary