Ukraina ŭpieršyniu praviała ataku vyklučna z vykarystańniem rabatyzavanych sistem
Ukrainskija vojski ŭpieršyniu praviali naziemnuju ataku vyklučna z vykarystańniem bieśpiłotnych naziemnych transpartnych srodkaŭ i dronaŭ FPV. Apieracyja padkreślivaje imknieńnie Ukrainy ŭkaraniać technałahičnyja inavacyi dla viadzieńnia bajavych dziejańniaŭ, piša Ukrainskaja praŭda sa spasyłkaj na ISW.
U svajoj spravazdačy za 20 śniežnia Instytut vyvučeńnia vajny spasyłajecca na pres-sakratara bryhady «Chartyja» Nacyjanalnaj hvardyi Ukrainy, siaržanta Uładzimira Dziahciarova, jaki paviedamiŭ pra ataku Sił abarony Ukrainy na pazicyi rasijskich akupantaŭ kala vioski Lipcy, što znachodzicca na poŭnač ad Charkava.
Data ataki nie nazyvajecca, jak i dakładnyja pazicyi, na jakich prachodzili bajavyja dziejańni. Paviedamlajecca, što ŭkrainskija siły vykarystali dziasiatki rabatyzavanych sistem, u tym liku bieśpiłotnyja aparaty, asnaščanyja kulamiotami, a taksama drony dla ŭstanoŭki i abiasškodžańnia min na pazicyjach praciŭnika. U vyniku apieracyi rasijskija pazicyi byli paśpiachova źniščany.
«Hetaja ataka stała prykładam vykarystańnia asimietryčnych udarnych mahčymaściaŭ, jakija Ukraina aktyŭna raźvivaje, kab kampiensavać abmiežavańni ŭ čałaviečych resursach», — adznačajuć analityki.
«Ukrainskija aficyjnyja asoby nieadnarazova padkreślivali namahańni Ukrainy, nakiravanyja na vykarystańnie technałohij i asimietryčnych udarnych mahčymaściaŭ dla kampiensacyi abmiežavańniaŭ u čałaviečych resursach, u adroźnieńnie ad hatoŭnaści Rasii iści na značnyja achviary dziela niaznačnych terytaryjalnych zdabytkaŭ», — havorycca ŭ paviedamleńni.
U spravazdačy taksama havorycca, što ŭkrainski Hienieralny štab paviedamiŭ pra zaviaršeńnie vyprabavańniaŭ novych bieśpiłotnikaŭ, padklučanych da aptavałakonnych kabielaŭ. Takija aparaty bolš ustojlivyja da srodkaŭ radyjoelektronnaj baraćby, jakija aktyŭna vykarystoŭvaje Rasija.
Ukrainskaja kampanija, jakaja zajmajecca vytvorčaściu bieśpiłotnikaŭ, paviedamiła, što niadaŭna sabrała pratatyp pieršaha FPV-drona, stvoranaha vyklučna z kampanientaŭ, vyrablenych va Ukrainie.
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ79
Kamientary