Jany zapadozryli niadobraje, kali ŭbačyli, jak piensijanierka vykidvaje z akna dziŭny pakiet.
Mužčyny pracavali ŭ adnym z dvaroŭ pa vulicy Tałbuchina. Raptam jany zaŭvažyli, jak na bałkonie piensijanierka stukaje klučami pa aharodžy. Spačatku jany padumali, što babula źviartajecca da ich. Ale zatym jana niečakana kinuła z bałkona pakiet, jaki adrazu padniaŭ małady čałaviek.
Rabočyja spytalisia ŭ jaho, što adbyvajecca. Toj rastłumačyŭ, što jon kurjer, i jamu treba zabrać pasyłku i pieradać jaje atrymalniku. Kamunalniki zatrymali chłopca i vyklikali milicyju.
Akazałasia, što babula trapiła na machlarstva pa schiemie «Alo, mama». Joj patelefanavali nieviadomyja i skazali, što plamieńnica trapiła ŭ avaryju. Kab joj dapamahčy, piensijanierka pahadziłasia addać 9800 dołaraŭ.
Hrošy pavinien byŭ zabrać kurjer. Chłopiec znajšoŭ padpracoŭku ŭ miesiendžary, heta byŭ jaho pieršy zakaz. Za kožnuju pasyłku jamu abiacali pa 200 rubloŭ. U padjezd jon nie zmoh patrapić, tamu vyrašyli, što babula kinie pakiet z bałkona.
Hrošy piensijaniercy viernuć, raspačata kryminalnaja sprava.
Kamientary