U Łošyckaj siadzibie ŭ subotu projdzie bal pa matyvach «Dzikaha palavańnia karala Stacha»
21 śniežnia a 16:00 u muziei «Łošyckaja siadziba» pačniecca zimovy bal. Viečar abiacaje padaryć naviedvalnikam atmaśfieru muzyki, tancaŭ i ŭspaminaŭ pra kultavy tvor biełaruskaj litaratury, piša Onliner.by.
Prahrama natchnionaja siužetami apovieści Uładzimira Karatkieviča «Dzikaje palavańnie karala Stacha», jakaja adznačaje adrazu dźvie jubilejnyja daty: 60 hadoŭ z dnia jaje pieršaj publikacyi i 45 hadoŭ z dnia vychadu adnajmiennaha filma. Suviaź z Łošyckaj siadzibaj padkreślivaje toj fakt, što adna sa scen karciny była źniataja na jaje terytoryi.
Pačniecca viečar z muzyčnaj prahramy «Tancavalny viečar u biełaruskich siadzibach». U vykanańni artystaŭ prahučać tvory Ahinskaha, Maniuški, Šapena i inšych kampazitaraŭ. Zatym hledačoŭ čakaje tancavalnaja impreza «Bal u Nadziei Janoŭskaj» z valsami, mazurkami i mienuetami. Taksama ŭ ramkach mierapryjemstva vystupiać biełaruskija muzykanty Taćciana Starčanka i Julija Ražkoŭskaja, artysty teatra pantamimy «mimy śpiašajucca na dapamohu» i narodnaha teatra «na Doŭhim Brodzie».
Dla tych, chto lubić aktyŭnaści, arhanizatary praviaduć dva majstar-kłasy pa histaryčnych tancach. Zavieršyć viečar teatralnaje pradstaŭleńnie «Šery voŭk end Čyrvony kapturok» u interpretacyi artystaŭ Narodnaha teatra.
Taksama žadajučyja zmohuć uziać udzieł u kveście pa vystavie, pryśviečanaj filmu «Dzikaje palavańnie karala Stacha». Padčas hulni naviedvalniki daviedajucca, jak stvarałasia stužka Valeryja Rubinčyka.
Ciapier čytajuć
Viarnuŭsia ź Litvy — i byŭ aryštavany za danaty. Hety bijołah raniej daśledavaŭ lejkozy — jaho fiłasofija natchniaje7
Kamientary
Ničieho tam pryhožaha niet. Jeśli by ni jedinstviennaja pivnucha, ot skuki pomierieť možno było by. Dažie usad́bu ispohanili, pokrasiv kryšu v blevotnyj zielenyj ćviet. Zakatali vsie v kołchoznuju plitku, i ponatykali fonariej čieriez každyje 50 mietrov, kotoryje nieponiatno dla koho horiat v 3 časa noči. Tam i dniem nikoho niet.