U Polščy dapamohu vypłačvajuć amal na 25 tysiač biełaruskich dziaciej — za hod ich stała krychu bolš
Pa kolkaści siarod zamiežnikaŭ biełaruskija dzieci sastupajuć tolki ŭkraincam, piša Business Insider.
U pieršym paŭhodździ 2025 hoda ŭ Polščy dapamohu «800+» vypłačvali na 24,7 tysiačy biełaruskich dziaciej. Za hod ich stała amal na 200 čałaviek bolš. Usiaho biełaruskim dzieciam vydzielili 117,5 miljona złotych (prykładna 27,5 miljona jeŭra).
U hetaj statystycy ŭličvajucca dzieci, u baćkoŭ jakich niama polskaha hramadzianstva. Heta značyć, što na samoj spravie biełaruskich dziaciej u Polščy pražyvaje jašče bolš — mihranty z polskimi karaniami aktyŭna atrymlivajuć hramadzianstva i pierachodziać u inšuju statystyčnuju kałonku.
Pa kolkaści siarod zamiežnikaŭ biełaruskija dzieci sastupajuć tolki ŭkraincam — 315 500 dziaciej z hetaj krainy atrymlivali dapamohu ŭ pieršym paŭhodździ. Pa statystycy ich stała na dziesiać tysiač mienš, čym u minułym hodzie. Paśla biełarusaŭ u śpisie iduć rumyny (7000 dziaciej), rasijanie (4000) i indusy (2800 dziaciej).
Dapamoha «800+» vypłačvajecca na dziaciej štomiesiac ad naradžeńnia i da 18 hadoŭ. 800 złotych — heta prykładna 187 jeŭra. Pakul dapamohu płaciać na ŭsich dziaciej, jakija pražyvajuć u Polščy i vučacca ŭ polskich ustanovach adukacyi.
Ale prezident krainy Karal Naŭrocki prapanavaŭ płacić tolki na tych dziaciej, čyje baćki aficyjna pracujuć i płaciać unioski ŭ fond sacstrachavańnia. Heta patrabavańnie prezident źviazaŭ z ahulnaj padtrymkaj ukrainskich uciekačoŭ.
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach10
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary