U Viciebskaj vobłaści pad palityčny pieraśled trapili jak minimum šeść udzielnikaŭ vajny ŭ Afhanistanie
Kahości asudzili pa administracyjnych artykułach za «raspaŭsiud ekstremizmu ŭ internecie», a inšych pa kryminalnych — za abrazu Alaksandra Łukašenki, «sadziejničańnie ekstremisckaj dziejnaści» i ŭdzieł u pratestach 2020 hoda, piša «Viciebskaja viasna».
Pa administracyjnym artykule 19.11 KaAP byli asudžanyja Juryj Karavacki z Pastavaŭ, Česłaŭ Šavardak z Dokšyckaha rajona, viciablanin Hienadź Anikiejeŭ.
57-hadovaha žychara Loźnienščyny Uładzimira Lisicu ŭ pačatau 2024 hoda asudzili za abrazu Łukašenki i pradstaŭnikoŭ ułady. Jon pracavaŭ vartaŭnikomi i byŭ zatrymany za toje, što pakinuŭ u «Adnakłaśnikach» kamientary, kvalifikavany jak abraza pradstaŭnikoŭ ułady (art. 369 Kryminalnaha kodeksa). Jaho staronka ŭ hetaj sacyjalnaj sietcy pryznana «ekstremisckaj». Pavodle sudovaha prysudu Lisica maje adbyć try hady ŭ papraŭčaj kałonii va ŭmovach ahulnaha režymu, a taksama spłacić 7 400 rubloŭ štrafu i kampiensacyju maralnaj škoły dvum pazoŭnikam — hienieralnamu prakuroru Andreju Šviedu i deputatu Navapołackaha haradskoha Savieta deputataŭ Iharu Miadźviedskamu — pa 3 000 rubloŭ kožnamu.
58-hatovy Ściapan Rohacień ź vioski Zaprudździe Hłybockaha rajona byŭ zatrymany padčas letašniaha milicejskaha chapuna ŭ rajcentry. Tady — praz try hady paśla padziej 2020 hoda — dziesiatki hłybačan byli zatrymany za ŭdzieł u pratestnym maršy. Były «afhaniec» asudžany na niekalki hadoŭ «chatniaj chimii» i abvieščany «ekstremistam».
U «ekstremiscki» pieralik na sajcie MUS niadaŭna ŭklučany i 56-hadovy viciablanin Andrej Matusienka, raniej uznaharodžany miedalom «Za bajavyja zasłuhi». Ciapier jon adbyvaje termin źniavoleńnia: pa rašeńni Viciebskaha abłasnoha suda jon pryznany vinavatym u sadziejničańni ekstremisckaj dziejnaści (častki 1 i 2 art. 361-4 KKRB).
Mahčyma, u sudy trapili i inšyja byłyja «afhancy», ale raskłady sudovych pracesaŭ i sutnaść raźbiralnictvaŭ ciapier zasakrečanyja.
Žurnalista Aleha Supruniuka pryhavaryli da troch hadoŭ kałonii
Maładoj dziaŭčynie z Baranavič prysudzili kałoniju za ŭdzieł u rajonnym čacie. Jaje telehram byŭ nieabaronienym
U Minsku za «zdradu dziaržavie» na 9 hadoŭ asudzili 60-hadovaha prahramista
Brata palitźniavolenaha ajcišnika asudzili za pratesty
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara37
Kamientary