Žančyna zabiła sužyciela i naradziła dziaŭčynku. Babula pa baćkavaj linii damahłasia apieki
U Breście dziakujučy ŭmiašańniu nahladnych orhanaŭ žančyna zmoža atrymać apieku nad maleńkaj unučkaj.
U listapadzie 2025 hoda žycharka Bresta była asudžanaja na siem hadoŭ papraŭčaj kałonii za zabojstva sužyciela. U kałonii ŭ jaje naradziłasia dačka.
«Zapis źviestak pra baćku ŭ akcie ab naradžeńni dziciaci zrobleny na padstavie zajavy maci, jakaja nie znachodziłasia ŭ šlubie, u adpaviednaści z art. 55 Kodeksa RB ab šlubie i siamji», — paviedamlaje Hienprakuratura.
Dziaŭčynku, jakaja apynułasia ŭ statusie «biez apieki baćkoŭ», zabrali ŭ dziciačy dom u Pinsku. Kab uziać nad joj apieku, babuli pa baćkavaj linii daviałosia źviartacca ŭ sud, kab dakazać baćkoŭstva. Adnak sud navat nie staŭ razhladać jaje zajavu: jurydyčna žančyna ličyłasia dla dziciaci čužym čałaviekam, bo jaje syn nie byŭ u šlubie z maci dziaŭčynki.
Prakuratura Bresta dapamahła žančynie aficyjna paćvierdzić baćkoŭstva jaje zahinułaha syna. Ciapier u bieraściejki źjaviłasia zakonnaje prava bačycca z unučkaj i, što samaje važnaje, pretendavać na apieku nad joj.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary