Jeŭrasajuz dadaŭ u sankcyjnyja śpisy 16 čałaviek i 7 arhanizacyj. Abmiežavańni tyčacca tych, kaho ličać adkaznymi za prymusovy vyvaz ukrainskich dziaciej, ich pieramiaščeńnie, ideałahičnuju apracoŭku, vajenizavanaje vychavańnie i niezakonnaje ŭsynaŭleńnie na terytoryi Rasii i akupavanych ziamiel.
Pad sankcyi trapili dziciačyja centry «Arlonak», «Punsovyja vietrazi» i «Źmiena», centr DTSAAF u Sievastopali, Nachimaŭskaje vajskova-marskoje vučylišča, a taksama kłub «Patryjot» u Krymie. Taksama ŭ śpisy ŭklučyli kiraŭnikoŭ hetych ustanoŭ i niekatorych čynoŭnikaŭ.
Vialikabrytanija taksama pašyryła sankcyi suprać asob i arhanizacyj, źviazanych z vyvazam i ideałahičnaj apracoŭkaj ukrainskich dziaciej, a jašče suprać udzielnikaŭ rasijskich infarmacyjnych kampanij. U sankcyjnyja śpisy dadali 85 fizičnych i jurydyčnych asob. Siarod ich — supracoŭniki Ahienctva sacyjalnaha dyzajnu, u tym liku aŭtary, pierakładčyki i apieratary, jakija zajmajucca stvareńniem prapahandysckich materyjałaŭ.
Akramia taho, brytanski ŭrad vydzieliŭ 1,2 miljona funtaŭ sterlinhaŭ na pošuk i viartańnie ŭkrainskich dziaciej.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie6
Kamientary