Жанчына забіла сужыцеля і нарадзіла дзяўчынку. Бабуля па бацькавай лініі дамаглася апекі
У Брэсце дзякуючы ўмяшанню наглядных органаў жанчына зможа атрымаць апеку над маленькай унучкай.
У лістападзе 2025 года жыхарка Брэста была асуджаная на сем гадоў папраўчай калоніі за забойства сужыцеля. У калоніі ў яе нарадзілася дачка.
«Запіс звестак пра бацьку ў акце аб нараджэнні дзіцяці зроблены на падставе заявы маці, якая не знаходзілася ў шлюбе, у адпаведнасці з арт. 55 Кодэкса РБ аб шлюбе і сям’і», — паведамляе Генпракуратура.
Дзяўчынку, якая апынулася ў статусе «без апекі бацькоў», забралі ў дзіцячы дом у Пінску. Каб узяць над ёй апеку, бабулі па бацькавай лініі давялося звяртацца ў суд, каб даказаць бацькоўства. Аднак суд нават не стаў разглядаць яе заяву: юрыдычна жанчына лічылася для дзіцяці чужым чалавекам, бо яе сын не быў у шлюбе з маці дзяўчынкі.
Пракуратура Брэста дапамагла жанчыне афіцыйна пацвердзіць бацькоўства яе загінулага сына. Цяпер у берасцейкі з’явілася законнае права бачыцца з унучкай і, што самае важнае, прэтэндаваць на апеку над ёй.
Каментары