Амерыканскі акцёр Чэнінг Татум прыйшоў на матч Францыя — Нарвегія ў вобразе Эрлінга Холанда
Зорка Галівуда зладзіла ўчора цэлае шоу на матчы чэмпіянату свету паміж Нарвегіяй і Францыяй у Фоксбара.
Татум з’явіўся на трыбуне ў форме зборнай Нарвегіі, з доўгім светлым парыком і відавочна імітаваў форварда нарвежцаў Эрлінга Холанда. Многія заўзятары спачатку не адразу зразумелі, што перад імі не зорка «Манчэсцер Сіці», а знакаміты акцёр, бо Эрлінг застаўся ў запасе, звярнуў увагу Bild.
Гэта быў не выпадковы касцюм: Татум нядаўна зняўся ў рэкламе Nike як двайнік Холанда і цяпер працягнуў жарт ужо на стадыёне. Ён фатаграфаваўся з нарвежскімі фанатамі і весяліўся на трыбунах, хаця ў самой зборнай Нарвегіі вечар не задаўся: Холанд праседзеў увесь матч у запасе, а каманда прайграла Францыі з лікам 1:4.
Холанд раней казаў, што яму падабаецца пераўвасабленне Татума.
Зборная Нарвегіі карыстаецца шалёнай папулярнасцю і ў сваёй краіне і за межамі.
Пасля аднаго з матчаў гульцы паселі на футбольным полі і пачалі на манер вікінгаў вяслярыць на дракары пад гучнае «Ру, ру!».
Гэта імгненна стала мемам, і ўсе сталі капіяваць такое вяслярства.
Спачатку такое нават зымітавалі ў нарвежскім парламенце
А потым панеслася па ўсіх кантынентах.
У 1/16 фіналу Нарвегія ў аўторак згуляе з Кот д'Івуарам.
Таму калі ўгледзеце нарвежскіх фанаў на вуліцах сваіх гарадоў, «ру, ру» можаце з імі паўтарыць.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца3
А што будзе, калі вярнуцца ў Беларусь? Кажуць жа, што рэпрэсіі заканчваюцца
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары