Украіна, магчыма, ужо атрымала першыя амерыканскія ракеты ERAM. Яны дасягаюць усёй тэрыторыі Беларусі
Гэта гібрыд крылатых ракет і планерных бомбаў, які б’е на дальнасць 450 км. Ляціць не суперхутка, але някепска абыходзіць СПА.
Імаверна, ЗША ўжо перадалі Украіне першую доследную партыю дальнабойных высокадакладных ракет у межах праграмы ERAM.
Z-канал «Полезная нагрузка» апублікаваў фота абломкаў ракеты, якія сведчаць пра амерыканскую кампанію Zone 5 Technologies.
У 2024 годзе гэтая кампанія атрымала кантракт ВПС ЗША на распрацоўку аднаго з варыянтаў крылатых ракет ERAM, а ў жніўні 2025 года ўлады краіны ўхвалілі продаж Украіне 3350 ERAM на $825 млн.
З’яўленне абломкаў кампанентаў, якія выкарыстоўваюцца менавіта ў гэтых боепрыпасах, можа сведчыць пра тое, што ва Украіну ўжо паступіла эксперыментальная партыя ракет ERAM для выпрабаванняў ва ўмовах рэальнай вайны. Гэта адбылося яшчэ да пачатку поўнамаштабных паставак, запланаваных на кастрычнік 2026 года, піша канал Exilenova+.
Не выключана, што менавіта імі ўчора УСУ нанеслі ўдар па заводзе ВПК у Варонежы, дзе вырабляюць мікраэлектроніку для «Іскандэраў», Х-101 і «Панцыраў».
Вайсковы эксперт Ян Мацвееў адзначаў, што выбух быў занадта магутны для Storm Shadow. Ён выказаў меркаванне, што, магчыма, гэта былі ракеты ERAM.
Заяўленая дальнасць палёту ракеты складае каля 450 км, а маса баявой часткі — 225 кг.
Ад лініі фронту да Варонежа — прыкладна 230 км. Прыкладна столькі сама — ад мяжы Украіны да Мінска.
Першую серыйную партыю з 840 ракет планавалі паставіць да кастрычніка 2026 года.
Цяпер чытаюць
Пасля ўльтыматуму Зяленскага рэтранслятары адключылі? Апошнія дні расійскія беспілотнікі не накіроўваюцца ўздоўж беларуска-ўкраінскай мяжы6
Каментары
і што ? 90% Беларусаў супраць вайны і крыві ў РБ. Вайны не будзе