Самая вялікая вёска Беларусі падрасла амаль да 25 тысяч чалавек
Копішча лічыцца асобным населеным пунктам, хоць фактычна зліваецца з Мінскам.
Мікрараён Новая Баравая — частка Копішча
Колькасць насельніцтва ў Калодзішчах, Копішчы, Лясным і Бараўлянах уражвае — усе гэтыя населеныя пункты, якія знаходзяцца вакол Мінска, фармальна лічацца сельскімі, аднак у іх жыве людзей больш, чым у шмат якіх гарадах краіны.
Паводле статыстыкі на 1 студзеня 2026 года, у іх жылі:
- Вёска Копішча — 24 914 (год назад — 22 270) жыхароў.
- Аграгарадок Калодзішчы — 23 922 (23 066) жыхароў.
- Вёска Бараўляны — 21 528 (20 991) жыхар.
- Аграгарадок Лясны — 20 988 (21 288) жыхароў.
Цікава, што Копішча, Калодзішчы і Бараўляны па-ранейшаму імкліва прырастаюць, а вось у Лясным ужо фіксуецца скарачэнне колькасці насельніцтва.
Копішча
Каментары
У Беларусі гістарычна былі некалькі тыпаў населеных пунктаў.
Хутар - самы зробны населены пункт, які складаўся з некалькіх хатаў, найчасцей родзічаў, якія вялі збольшага супольную гаспадарку.
Вёска - буйнейшы за хутар населены пункт, дзе было шмат двароў, але не было царквы.
Сяло - вялікая вёска, у якой была царква або касцёл.
Мястэчка - прамежэкавы тып населенага пункта паміж сялом і горадам, дзе жыхары збольшага займаліся ўжо не сельскай гаспадаркай, а рамесніцтвам, гандлем і г.д.
Горад або места - вялікі населены пункт, дзе існавала нейкая прамысловасць, а рнейшыя часы гарады выконвалі абарончыя функцыі.
То якія да д'ябла, "аграгарадкі"? Гэта чыста ідэалагічны ўкід асабіста лукашэнкі, у якога пажыццёвы комплекс "дзярэўні", як яго з ягонай трасянкай называлі ў тым Магілёўскім педінстытуце, дзе яго на гістарычным факультэце ў выніку навучылі, што "СкарынА ў Піцеры жыў і тварыў".
Давайце, урэшце, ачомаемся і будзем прасоўваць сваё, а не навязанае нашымі ворагамі! Нават савецкае "пасёлак" датычна Калодзішчаў і Ляснога не так рэжа вуха, як той "аграгарадок". А лепей традыцыйнае - "мястэчка".