U hetym hodzie vučniaŭ 10‑ch kłasaŭ buduć adpraŭlać na vučebna-palavyja zbory na 10 dzion zamiest piaci, pryčym źmienicca i farmat mierapryjemstva. Ci možna admovicca ad udziełu ŭ ich, u efiry telekanała STB patłumačyła namieśnik staršyni kamiteta pa adukacyi Minharvykankama Volha Śmirnova.
U Ministerstvie adukacyi raniej anansavali, što farmat vučebna-palavych zboraŭ dla chłopcaŭ stanie kruhłasutačnym i «nabližanym da ŭmoŭ vajskovaj čaści». Zbory ŭvachodziać u kurs «Dapryzyŭnaja i miedycynskaja padrychtoŭka», pa jakim vystaŭlajuć vynikovuju adznaku za 10‑y kłas, paśla čaho vučniaŭ pieravodziać u 11‑y kłas. Pry hetym vyzvalić ad ich mohuć tolki pa miedycynskich pakazańniach.
Jak udakładniła Volha Śmirnova, admovicca ad zboraŭ niemahčyma, bo heta častka adukacyjnaha pracesu. Tamu biez adznaki pa vynikach vučebna-palavych zboraŭ dziesiacikłaśnik nie budzie atestavany pa pradmiecie «Dapryzyŭnaja i miedycynskaja padrychtoŭka» za navučalny hod.
«A kali nie budzie atestavany, značyć, nie budzie pieraviedzieny ŭ 11‑y kłas», — dadała pradstaŭnica Minharvykankama.
Jana taksama paviedamiła, što placoŭki dla zboraŭ rychtujuć na terytoryi dziciačych azdaraŭlenčych łahieraŭ, baz adpačynku i vajskovych čaściej. Znachodžańnie ŭ łahierach abo na bazach adpačynku abydziecca ŭ 20—30 rubloŭ na čałavieka za sutki, apłačvać heta buduć miascovyja ŭłady.
Dziaŭčat zamiest vučebna-palavych zboraŭ čakajuć zaniatki pa miedycynskaj padrychtoŭcy. Ich abjom — 60 hadzin. Navučańnie akazańniu pieršaj dapamohi budzie prachodzić va ŭstanovach adukacyi, a taksama ŭ miedycynskich VNU, miedkaledžach i ŭstanovach achovy zdaroŭja.
Vyjšaŭ na svabodu vybitny chirurh Andrej Lubiecki11
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary