Na kirmašy ŭ Varšavie budzie pracavać stend biełaruskich vydaviectvaŭ
28—31 maja ŭ Varšavie na stadyjonie PGE Narodowy projdzie mižnarodny knižny kirmaš. U miežach padziei budzie pracavać biełaruski stend-sałon, dzie možna budzie nabyć biełaruskija knihi i vydańni, źviazanyja ź Biełaruśsiu, piša bellit.info.
Čytačy zmohuć pahartać i prydbać knihi vydaviectvaŭ: Lohvinau Publishing House, Arche, hochroth Minsk, Mianie Niama, Skaryna Press, «Januškievič», «Pflaŭmbaŭm», «Viasna» (Praha), Surma, Połackija Łabirynty, Gutenberg Publisher, Studio Magenta, SayBeat, RozUM Media, a taksama vydańni Varšaŭskaha ŭniviersiteta, Centra biełaruskaj kultury ŭ Biełastoku, fondu Kamunikat.org, a taksama knihi ź Biełarusi.
U prahramie sałona — vystupy i aŭtohraf-sesii Alesia Bialackaha, Alaksandra Fiaduty, Daroty Michaluk, Uładzimira Arłova i inšyja prezientacyi. Ahulnaja prahrama budzie anansavanaja nieŭzabavie.
Arhanizatary źviartajuć uvahu, što sioleta Varšaŭski mižnarodny knižny kirmaš, jaki tradycyjna pravodziŭsia ŭ «Pałacy navuki i kultury» mianiaje łakacyju: stend «Volnaja Biełaruś» (11/D5) budzie pracavać na stadyjonie PGE Narodowy (al. Księcia Józefa Poniatowskiego 1, 03‑901 Warszawa).
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary