U Rasonskim rajonie adkryłasia novaja inkluziŭnaja ekałahičnaja ściežka «Padarožža ŭ pryrodu bieź pieraškod». Jana raźličanaja na šyrokaje koła naviedvalnikaŭ, u tym liku ludziej ź invalidnaściu, piša BiełTA.
Maršrut maje praciahłaść kala 6 kiłamietraŭ i prachodzić pa terytoryi zakaźnika «Sińša» — miascovaści z čystymi aziorami i redkimi vidami raślin i žyvioł. Ściežka pačynajecca kala centra ekałahičnaha vychavańnia ŭstanovy «Eka-Rosy».
Na maršrucie abstalavanyja 17 tematyčnych prypynkaŭ. Tam raźmieščanyja infarmacyjnyja stendy, interaktyŭnyja zadańni i zony adpačynku. Naviedvalnikam prapanujuć svojeasablivy «pašpart padarožnika», u jakim možna adznačać vykananyja zadańni — heta robić prahułku bolš cikavaj, asabliva dla dziaciej.
Asablivaja ŭvaha nadadziena dastupnaści. Častka ściežki adaptavanaja dla ludziej z parušeńniami aporna-ruchalnaha aparata, zroku, słychu, a taksama dla ludziej z aŭtystyčnymi asablivaściami. Na maršrucie jość taktylnyja elemienty, šyldy sa šryftam Brajla, biaśpiečnyja ściežki i zručny spusk da vady.
Prajekt nakiravany na raźvićcio ekaturyzmu i stvareńnie roŭnych mahčymaściaŭ dla adpačynku na pryrodzie. Jon realizujecca pry padtrymcy Ministerstva pryrodnych resursaŭ i achovy navakolnaha asiarodździa Biełarusi u ramkach prahramy raźvićcia ŭstojlivaha i inkluziŭnaha turyzmu.
Novaja ekaściežka ŭžo pryniała pieršych naviedvalnikaŭ, u tym liku ŭdzielnikaŭ turystyčnaha źlotu dla ludziej ź invalidnaściu, dzie prajšli ekskursijnyja i kulturnyja mierapryjemstvy.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy7
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary