Prezident Kanarskich astravoŭ admaŭlajecca prymać kruizny łajnier z chantavirusam, choć Ispanija dała zhodu
Prezident Kanarskich astravoŭ Fiernanda Kłavicha vystupiŭ z rezkaj krytykaj rašeńnia centralnaha ŭrada Ispanii.
U efiry radyjostancyi COPE Fiernanda Kłavicha zajaviŭ, što nie dapuścić sudna na archipiełah.
— Ja nie mahu dazvolić [hetamu sudnu] pryjści na Kanary. Hetaje rašeńnie [urada Ispanii] nie zasnavana ni na jakich techničnych kryteryjach, i my atrymali niedastatkova infarmacyi, — skazaŭ prezident Kanarskich astravoŭ.
Niderłandski kruizny łajnier MV Hondius zaraz staić u Kaba-Vierde, adtul jon moža dajści da Kanar za try-čatyry dni.
Na MV Hondius pamierli try čałavieki: para ź Niderłandaŭ i adzin niemiec, ale aficyjna najaŭnaść chantavirusa pakul paćvierdžana tolki ŭ žančyny ź Niderłandaŭ.
Akramia taho, zaražeńnie chantavirusam było dyjahnastavana ŭ 69‑hadovaha brytanca, evakujavanaha z łajniera ŭ PAR, a ŭ sieradu ŭłady Šviejcaryi paviedamili, što virus vyjaŭleny ŭ jaje hramadzianina, jaki taksama byŭ pasažyram łajniera i evakujavany na radzimu. Jon dastaŭleny ŭ balnicu ŭ Ciurychu.
Kamientary