Na Krycie znajšli novaha matylka i nazvali jaho ŭ honar Papy Lva XIV
U Biełych harach na zachadzie hrečaskaha vostrava Kryt navukoŭcy znajšli novy vid matylkoŭ-ahniovak, jaki adroźnivajecca jarkaj afarboŭkaj i niezvyčajnaj nazvaj. Daśledčyki dali jamu imia Pyralis papaleonei — «matylok Papy Lva», paviedamlaje vydańnie Phys.org.
Pyralis papaleonei znachodzili pakul tolki ŭ Lefka-Ory (Biełych harach) — vierahodna, nasiakomaje źjaŭlajecca endemikam Kryta. Razmach kryłaŭ «matylka Papy Lva» — kala dvuch santymietraŭ, što źjaŭlajecca siarednim pamieram dla jaho hrupy.
Hetaha matylka lohka adroźnić pa fijaletavych piarednich kryłach z aranžava-załacistaj plamaj i prykmietnych biełych pałosach. Asobin nazirali kala štučnych krynic śviatła; najbolš aktyŭnyja jany, vidać, u červieni. Pra bijałohiju i ład žyćcia novaha vidu pakul viadoma niašmat.
Navukoŭcy adździalili ahnioŭku ad blizkich vidaŭ pa kłasičnych marfałahičnych prykmietach (malunak kryłaŭ, afarboŭka, budova hienitalij), a taksama z dapamohaj hienietyčnaha analizu. Malekularnyja daśledavańni pakazali adroźnieńnie prykładna ŭ 6% u paraŭnańni ź bližejšym rodnasnym vidam — hetaha dastatkova, kab upeŭniena kazać pra samastojny vid.
U rodzie Pyralis isnuje asablivaja tradycyja hučnych imionaŭ. Jašče ŭ 1775 hodzie aŭstryjskija naturalisty apisali pieršy vid hetaj hrupy jak Pyralis regalis («karaleŭski»), natchniŭšysia jaho efiektnaj afarboŭkaj. Paźniej źjavilisia Pyralis princeps i Pyralis cardinalis. Novy vid praciahvaje hety šerah.
Kiraŭnik daśledavańnia Pieter Chiumier z Tyrolskaha dziaržaŭnaha muzieja Fierdynandeum ličyć, što prysvajeńnie imia — nie prosta farmalny akt. Nazva słužyć simvaličnym zvarotam da kiraŭnika Katalickaj carkvy Papy Lva XIV z napaminam pra adkaznaść čałaviectva za zachavańnie navakolnaha śvietu. Akramia taho, u chryścijanskaj tradycyi matylki i mol ličacca simvałami ŭvaskrašeńnia, pieraŭtvareńnia i nieśmiarotnaj dušy.
Chiumier padkreślivaje: śviet pieražyvaje hłabalny kryzis bijaraznastajnaści, a navukova apisana tolki małaja častka najaŭnych vidaŭ. Efiektyŭnaja achova pryrody niemahčymaja, kali vidy spačatku nie raspaznanyja, nie apisanyja i nie nazvanyja.
«A jak karmić, chlebam chiba?» U mahiloŭskim zaasadzie dzieci hladzieli na adsiečanuju hałavu kazuli ŭ vaŭčynym valjery
Ryś, jakaja hulaje, miadźviedź i fłaminha na fonie pravadoŭ. Za kaho hałasavali hledačy na konkursie «Fatohraf dzikaj pryrody hoda»
Prapanujuć biaspłatna pažyć na vyśpie la bierahoŭ Uelsa — tym, chto hatovy ličyć tupikaŭ i inšych žyvioł
Pamiaškańnie, dzie žyvuć tysiačy matylkoŭ, vystavili na prodaž u Minsku
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary