U Minsku źjaviŭsia adziny ŭ SND aparat sa štučnym intelektam dla lačeńnia raku
Revalucyjny mietad lačeńnia pacyjentaŭ ankahiematałahičnaha profilu — tamaterapiju — vykarystoŭvajuć śpiecyjalisty Minskaha navukova-praktyčnaha centra chirurhii, transpłantałohii i hiematałohii. Ab hetym «Minsk-Navinam» raskazaŭ namieśnik dyrektara pa hiematałohii hetaj miedustanovy, kiraŭnik Respublikanskaha centra hiematałohii i pierasadki kaściavoha mozha, doktar miedycynskich navuk, prafiesar Anatol Us.
Pavodle słoŭ śpiecyjalista, padčas rekanstrukcyi adnaho z błokaŭ centra tam ustalavali sučasny liniejny paskaralnik — aparat tamaterapii.
— Siońnia heta vysokatechnałahičnaje abstalavańnie — adzinaje na prastorach SND, — kaža Us. — Aparat novaha pakaleńnia z elemientami štučnaha intelektu. Heta dazvalaje istotna pavysić efiektyŭnaść lačeńnia pacyjentaŭ, u tym liku ich padrychtoŭku da transpłantacyi kaściavoha mozhu.
Prafiesar adznačyŭ, što tamaterapija — heta vielmi sučasny mietad lačeńnia, sutnaść jakoha zaklučajecca ŭ prycelnym apramianieńni rakavych kletak.
— Jość tarhietnyja lekavyja preparaty, jakija vielmi efiektyŭnyja ŭ ankałohii, hiematałohii, — rastłumačyŭ A. Us. — U radyjałohii, dzie vykarystoŭvajucca pramianiovyja mietady, anałahična pracuje mašyna tamaterapii: «stralaje», jak z harmaty, vyklučna ŭ metu — pa puchlinnych tkaninach, nie zakranajučy pry hetym zdarovyja.
Taksama na hetym aparacie pravodzicca pramianiovaja terapija pacyjentam z puchlinami piečani, jakija čakajuć transpłantacyju hetaha orhana.
Inavacyjnaje lačeńnie dastupna dla darosłych i dziaciej Biełarusi, a taksama dla zamiežnych pacyjentaŭ. Pry hetym dla biełarusaŭ tamaterapija pravodzicca biaspłatna, jak i pierasadka kaściavoha mozha, piečani, inšych orhanaŭ.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary
Naša Niva tut nie vyklučeńnie.
Bo kamuniaki, akupavaŭšyja Kitaj, ničoha supiertechnałahičnaha nia źlepiać.