Va Urocłavie adbudziecca spartyŭna-muzyčny fiestyval «Braterstva svabody 2»
U najbližejšuju subotu, 30 žniŭnia, va Urocłavie projdzie spartyŭna-muzyčny fest «Braterstva Svabody 2», jaki jadnaje biełaruskich, ukrainskich i polskich spartoŭcaŭ dy muzykaŭ. Aproč valejbolnaha turnira i rok-kancerta, haściej i ŭdzielnikaŭ festa čakaje šerah cikavych aktyŭnaściaŭ i majstar-kłasaŭ.
Arhanizataram i idejnym natchnialnikam mierapryjemstva źjaŭlajecca biełaruski šmatrazovy čempijon śvietu i trenier pa samba Ściapan Papoŭ. Letaś da festyvalu dałučalisia i inšyja viadomyja biełarusy: Alaksandra Hierasimienia, Pit Paŭłaŭ i inšyja. Sioleta čakajecca nie mienš cikavaja i nasyčanaja prahrama z udziełam viadomych haściej. Zaprašajucca ŭsie achvotnyja.
U ramkach fiestyvalu «Braterstva Svabody 2» praduhledžanyja:
- Amatarski turnir pa valejbole (9:00-16:00);
- Treniroŭki pa aerobicy i stretching;
- Siamiejnyja estafiety;
- Majstar-kłasy pa akrabatycy, dziudo i FCFS;
- Zabaŭlalnyja prahramy dla dziaciej;
- Kancert z udziełam biełaruskich i ŭkrainskich hurtoŭ (ad 16:00);
- Smačnaja ježa i napoi.
Pačatak fiestyvalu — 30 žniŭnia 2025 u 9:00 pa adrasie: Urocłaŭ, ul. Józefa Mianowskiego 2B.
Padrabiaznaści — na instahram-staroncy mierapryjemstva.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1414
Kamientary