Ва Уроцлаве адбудзецца спартыўна-музычны фестываль «Братэрства свабоды 2»
У найбліжэйшую суботу, 30 жніўня, ва Уроцлаве пройдзе спартыўна-музычны фэст «Братэрства Свабоды 2», які яднае беларускіх, украінскіх і польскіх спартоўцаў ды музыкаў. Апроч валейбольнага турніра і рок-канцэрта, гасцей і ўдзельнікаў фэста чакае шэраг цікавых актыўнасцяў і майстар-класаў.
Арганізатарам і ідэйным натхняльнікам мерапрыемства з'яўляецца беларускі шматразовы чэмпіён свету і трэнер па самба Сцяпан Папоў. Летась да фэстывалю далучаліся і іншыя вядомыя беларусы: Аляксандра Герасіменя, Піт Паўлаў і іншыя. Сёлета чакаецца не менш цікавая і насычаная праграма з удзелам вядомых гасцей. Запрашаюцца ўсе ахвотныя.
У рамках фестывалю «Братэрства Свабоды 2» прадугледжаныя:
- Аматарскі турнір па валейболе (9:00-16:00);
- Трэніроўкі па аэробіцы і stretching;
- Сямейныя эстафеты;
- Майстар-класы па акрабатыцы, дзюдо і FCFS;
- Забаўляльныя праграмы для дзяцей;
- Канцэрт з удзелам беларускіх і ўкраінскіх гуртоў (ад 16:00);
- Смачная ежа і напоі.
Пачатак фестывалю — 30 жніўня 2025 у 9:00 па адрасе: Уроцлаў, ul. Józefa Mianowskiego 2B.
Падрабязнасці — на інстаграм-старонцы мерапрыемства.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары