Kitaj śćviardžaje, što stvaryŭ pieršyja ŭ śviecie drony z łaziernaj zbrojaj
«Zdolny imhnienna razrazać płoć i mietał».
Kitajskija navukoŭcy raspracavali novy typ zbroi dla kampaktnych dronaŭ — mahutnyja łaziery, zdolnyja rastaplać mietały i prapalvać čałaviečuju skuru za doli siekundy.
Jak piša vydańnie South China Morning Post, na nievialikim FPV-dronie byŭ niadaŭna paśpiachova pratestavany łazier mahutnaściu 1 kiłavat z daŭžynioj chvali 1080 nanamietraŭ, jaki niabačny dla čałaviečaha voka i pry hetym moža raspłavić stalnuju plitu taŭščynioj 2,54 sm usiaho za 17 siekund.
«Mahutnaść hetaj zbroi nastolki vialikaja, što navat imhnienny kantakt z łazieram moža pryviescí da surjoznych apiokaŭ cieła, źniščeńnia materyjałaŭ i ślepaty», — adznačajecca ŭ novym daśledavańni kitajskich navukoŭcaŭ.
Choć kiłavatnyja łaziery jašče zanadta ciažkija dla taho, kab ustaloŭvać ich niepasredna na drony, ale kamanda daśledčykaŭ z Kitaja, pa jaje śćviardžeńni, znajšła vychad — łaziernaja ŭstanoŭka znachodzicca na ziamli, a dron abstalavany admysłovaj sistemaj hiravych stabilizataraŭ i teleskapičnych trub. Pieršy elemient źbiraje łazierny pramień z naziemnaj bazy, a druhi adbivaje jaho na praciŭnika. Takaja technałohija dazvalaje chutka i efiektyŭna nakiroŭvać bajavy łazier.
Asnoŭnaja niebiaśpieka novaj taktyki vykarystańnia łaziernaj zbroi praz drony, na dumku kitajskich navukoŭcaŭ, składajecca ŭ tym, što takaja zbroja «amal nie pakidaje šaniec na vyratavańnie žyćcia paciarpiełaha».
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili3
Kamientary
"usiaho" 17 siekund.
vorahu treba pačakać i nie varušycca.
Chto trochi vałodaje ab čym havorka, - mahutnaść łazera daŭno nie prablema.
Navat u Biełarusi jość takija raspracoŭki.
Hałoŭnaja biada jak raz utrymańnie ekspazicyi choć dolu siekundy.
I hetaje pytańnie jašče nichto dobra nie vyrašyŭ.