Alaksandr Łukašenka daručyŭ prapracavać pytańnie ab pierachodzie na škłopłastyk pry vytvorčaści pasažyrskaj i inšaj techniki. Pra heta jon zajaviŭ padčas razmovy z kalektyvam pradpryjemstva «Pažsnab» u Barysavie, piša BiełTA.
Havoračy ab raźvićci hetaha pradpryjemstva i jaho značeńni, Łukašenka padkreśliŭ, što takim čynam u krainie stvarajucca ŭłasnyja kampietencyi, svaja vytvorčaść, u jakoj aktyŭna zadziejničany i inšyja pramysłovyja abjekty, naprykład, MAZ, «Połack-Škłovałakno». «Vy nie prosta pradali (svaju pradukcyju na rynku). Vy ŭciahnuli našy pradpryjemstvy», — skazaŭ jon.
Łukašenka ŭ suviazi z hetym źviarnuŭ uvahu na kampietencyi «Pažsnaba» ŭ vyrabie detalaŭ dla pažarna-vyratavalnaj techniki sa škłapłastyku i prapanavaŭ pradumać i praličyć, ci mahčyma jaje bolš šyrokaje raspaŭsiudžvańnie, u tym liku na vytvorčaści pasažyrskaj techniki.
«Naradziłasia ideja, što my ž usie kabiny aŭtobusaŭ i inšaha možam pa vašych technałohijach zamiaścić na Škłovałakno, škłopłastyk, jaki vy robicie, — skazaŭ jon. — A budzie heta daražej abo tańniej (u paraŭnańni ź mietałam), śpiecyjalisty paličać i paviedamiać. Kali heta pa ekanomicy projdzie, my pačniem aŭtobusy rabić pa vašych technałohijach sa škłapłastyku».
«Treba, kab było svajo, i my zrobim usio, kab svajoj syravinaj, paŭfabrykatami vas zabiaśpiečyć. Pytańnie ŭ tym, možam ci nie možam. Moža być. Jak budziem dalej dziejničać, pahladzim», — padkreśliŭ Alaksandr Łukašenka.
-
«Paŭstańnia takich pamieraŭ u Biełarusi nikoli nie było». Historyk raskazaŭ, čym unikalny 2020-ty i što my voźmiem ź jaho na budučyniu
-
Biełaruski režysior raskazaŭ, jak u maładości paznajomiŭsia ŭ ZŠA z adnym z samych upłyvovych ukraincaŭ
-
Multykompleks kala Kamaroŭskaha rynku ŭ Minsku płanujuć dabudavać u 2026 hodzie
Ciapier čytajuć
«Paŭstańnia takich pamieraŭ u Biełarusi nikoli nie było». Historyk raskazaŭ, čym unikalny 2020-ty i što my voźmiem ź jaho na budučyniu7
Kamientary
Šmat chto paśpiavaje vyskačyć.