Prezident Francyi Emanuel Makron uračysta adkryŭ Sabor Paryžskaj Božaj Maci (Notr-Dam), adnoŭleny praź piać hadoŭ paśla pažaru. Na cyrymoniju źjechalisia mnohija vysokapastaŭlenyja hości z roznych krain, piša Ruskaja słužba Bi-bi-si.
Sabor nie tolki adnavili paśla pažaru, ale i ačyścili ad śladoŭ šmatviakovych pyłu i sažy, z-za čaho jon vyhladaje śviatlejšym, čym raniej.
Praŭda, restaŭracyjnyja raboty ŭsio jašče nie zavieršanyja: budaŭničyja ryštavańni dahetul atačajuć uschodniuju častku sabora.
Siońnia adbyłasia śvieckaja ŭračystaja cyrymonija, a zaŭtra, 8 śniežnia, u sabory projdzie pieršaja katalickaja imša. Budzie aśviečany novy ałtar sabora, jaki byŭ sprajektavany sučasnym mastakom Hijomam Barde.
Častkaj siońniašniaj cyrymonii było «abudžeńnie» arhana: jon nie hraŭ z momantu pažaru, a ciapier instrumient na 8000 trub adrestaŭravany i ačyščany ad pyłu. Na im syhrali čatyry arhanisty.
Z-za štormu «Dara» cyrymoniju było vyrašana pravodzić całkam unutry sabora.
U Paryž prybyło šmat hanarovych haściej, u tym liku abrany prezident ZŠA Donald Tramp, brytanski spadčyńnik tronu Uiljam, prezidentka Hruzii Sałamie Zurabišvili, prezident Ukrainy Uładzimir Zialenski, prezident Italii Sierdža Matareła i inšyja palityki. Zamiest prezidenta ZŠA Džo Bajdena prysutničała jahonaja žonka Džył Bajden.
Na praciahu nastupnaha tydnia Notr-Dam budzie adkryty dla naviedvalnikaŭ z 15:30 da 22:00 z paniadziełka pa piatnicu i da 20:00 u subotu i niadzielu. Uvieś tydzień buduć pravodzicca śviatočnyja mierapryjemstvy i śpiecyjalnyja nabaženstvy, a potym sabor zapracuje ŭ zvyčajnym režymie i budzie dastupny dla viernikaŭ i turystaŭ.
Pažar u krasaviku 2019 hoda surjozna paškodziŭ dach sabora i jaho hatyčny špil. Na adnaŭleńnie sabrali kala 846 miljonaŭ jeŭra, i nad restaŭracyjaj pracavali kala 2000 čałaviek.
U dzień, kali adbyŭsia pažar, Emanuel Makron paabiacaŭ, što histaryčny budynak budzie całkam adnoŭleny, i adbudziecca heta padčas jaho prezidenctva. Na praciahu šmathadovych ramontnych rabot jon niekalki razoŭ naviedvaŭ budoŭlu i trymaŭ praces pad kantrolem.
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje22
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje2
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1111
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć11
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary
zašybis
,,,
a. nu bačna.. ukušaje mocnaje iskusstva
sudziačy pa błahalepnym tvary jaho jeho