Kanapackaja padziakavała kamunistam za dapamohu, ale sama zastajecca «nacdemkaj»
Sparynh-partniorka Alaksandra Łukašenki na pryznačanych na 26 studzienia «vybarach» Hanna Kanapackaja padziakavała ŭ instahramie «demakratyčnym kamunistam» za dapamohu, jakija tyja nibyta akazali ŭ zbory podpisaŭ.
«U składany dla majoj vybarčaj kampanii momant pryjšła dapamoha, adkul zusim nie čakała. Demakratyčnaje kryło biełaruskich kamunistaŭ na čale ź Siarhiejem Vaźniakom praciahnuła ruku i akazała nieacennuju padtrymku ŭ arhanizacyi i praviadzieńni zboru podpisaŭ za majo vyłučeńnie kandydatam u prezidenty Respubliki Biełaruś», — napisała Kanapackaja.
U adkaz za hetyja pasłuhi jana vykazała niečakanym sajuźnikam «biezumoŭnuju pavahu» i «hatoŭnaść u luby momant pryjści na dapamohu ŭsimi dastupnymi resursami».
Ale idejna pierakavać Kanapackuju navat takoje joj patrebnaje padstaŭleńnie plača, maŭlaŭ, nie zdolnaje:
«Viadoma, heta nie pamianiaje maich pravych nacyjanał-demakratyčnych pierakanańniaŭ i nie zrobić palitykam levaj ideałohii», — zapeŭnivaje jana.
Pavodle kalendara pryznačanaha na 26 studzienia mierapryjemstva, zbor podpisaŭ skončyŭsia 6 śniežnia. Amal usie sparynh-partniory Łukašenki zajaŭlajuć, što jany nibyta sabrali 100 tysiač podpisaŭ. Akramia Kanapackaj, ich mieli źbirać staršynia praŭładnaj ŁDPB Aleh Hajdukievič, kamunist Siarhiej Syrankoŭ i pradstaŭnik Partyi pracy i spraviadlivaści Alaksandr Chižniak.
Vaźniak padtrymaŭ Kanapackuju i zapeŭniŭ, što jana budzie dabivacca vyzvaleńnia palitviaźniaŭ
Amal usie sparynh-partniory Łukašenki zajavili, što sabrali 100 tysiač podpisaŭ
Kanapackaja śćviardžaje, što jaje kamanda źbiraje ŭ dzień minimum pa čatyry tysiačy podpisaŭ
Šumčanku, jakoha nie ŭziali kiroŭcam na «chutkuju», paklikali kiravać štabam Kanapackaj
«Sustrelisia i havaryli paru hadzin». Kanapackaja raskazała, jak Rumas klikaŭ jaje va ŭrad
Hanna Kanapackaja patłumačyła, čamu nie vydalaje zdymki z BČB-simvolikaj z sacsietak. Vy budziecie śmiajacca
Ciapier čytajuć
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča17
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary