Vaźniak padtrymaŭ Kanapackuju i zapeŭniŭ, što jana budzie dabivacca vyzvaleńnia palitviaźniaŭ
Hramadski dziejač levaha ŭchiłu Siarhiej Vaźniak dałučyŭsia da inicyjatyŭnaj hrupy Kanapackaj. Pra heta jon paviedamiŭ u fejsbuku.
«Voś hetuju pracu ja vielmi lublu! Mahčymaść parazmaŭlać ź ludźmi, vykazać svajo bačańnie situacyi, abhruntavać nieabchodnaść pieramien. Tamu ŭčora z zadavalnieńniem adhuknuŭsia na zaprašeńnie Hanny Kanapackaj pajechać ź jaje kamandaj u Homiel na zbor podpisaŭ za vyłučeńnie Hanny kandydatam u prezidenty.
Vidavočna, što ŭ vypadku rehistracyi kandydatam jana budzie adzinaj demakratyčnaj alternatyvaj A. Łukašenku. Dla mianie heta dastatkovaja matyvacyja, kab padtrymać takoha čałavieka», — napisaŭ jon.
Vaźniak raskazaŭ, što spytaŭ pretendentku pra jaje staŭleńnie da prablemy palitviaźniaŭ.
«Adkaz mianie poŭnaściu zadavoliŭ: u vypadku rehistracyi kandydatam u prezidenty jana budzie kazać, što ludzi, jakija siońnia siadziać u turmach z-za padziej 2020 hoda, nie pavinny byli padviarhacca kryminalnamu pieraśledu, ich miesca na voli. Taksama dziaržava pavinna stvarać umovy dla viartańnia ŭ krainu biez usialakich papiarednich umoŭ vymušanych emihrantaŭ. Jany pavinny žyć i pracavać u Biełarusi, raźvivać jaje ekanomiku, płacić tut padatki, rabić sacyjalnyja adličeńni», — dadaŭ jon.
Ciapier čytajuć
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary