Šumčanku, jakoha nie ŭziali kiroŭcam na «chutkuju», paklikali kiravać štabam Kanapackaj
Palityk Hanna Kanapackaja ŭ intervju vydańniu «Točka» trochu raskazała pra svaju kamandu na prezidenckich vybarach.
Jak stała viadoma z hutarki, padčas ciapierašniaj kampanii štab Hanny Kanapackaj uznačalvaje Anatol Šumčanka — «prykmietnaja fihura ŭ pradprymalnickim ruchu apošnich dziesiacihodździaŭ», — pradstaŭlaje Šumčanku vydańnie.
Anatol Šumčanka — były kiraŭnik hramadskaha abjadnańnia «Pierśpiektyva», jakoje adstojvała intaresy indyvidualnych pradprymalnikaŭ. Viarchoŭny sud likvidavaŭ jaho ŭ vieraśni 2021 hoda. U Šumčanki prajšoŭ pieratrus. Jaho zatrymlivali na sutki. Jon zastaŭsia biez pracy i z taho času biezvynikova namahaŭsia pracaŭładkavacca.
Uletku 2022 hoda Anatol Šumčanka ad biezvychodnaści navat raźmiaściŭ u sacyjalnych sietkach danyja svajoj kartki z prośbaj dapamahčy materyjalna. Adnak na zaklik kali i adhuknulisia, to adzinki.
«Žyćcio — surovy nastaŭnik: minułyja zasłuhi ŭžo nikomu stali nie cikavyja, chutka ŭsio zabylisia, a na maju prośbu dapamahčy bolšaść adkazała albo admovaj, albo prostaj abyjakavaściu», — raskazvaŭ Anatol «Narodnaj voli».
Jon pakinuŭ svajo reziume na sajcie pa pošuku pracy, ale ŭsiudy atrymlivaŭ admovy.
«Adhuknuŭsia na vakansiju ab prodažy aŭtamabilaŭ BMV, tamu što lublu hetuju marku mašyn i viedaju pra jaje ŭsio, dy i naohuł lublu ŭsio, źviazanaje z aŭtabiznesam, ale pryjšła admova, — raskazvaŭ Šumčanka. — Hatovy byŭ pajści pradavać u inšyja kampanii, ale i tam admova…»
«Niby nie durań i zdolny, stolki hadoŭ kiravaŭ arhanizacyjaj, mianiaŭ rašeńni ŭrada i miascovych uładaŭ, zakanadaŭcaŭ na karyść biznesu, a pradavać aŭto nie biaruć. Dy i naohuł nikudy nie biaruć…» — skardziŭsia jon.
Uletku 2023 hoda Šumčanka raskazvaŭ, što jaho nie ŭziali navat kiroŭcam na «chutkuju».
«Całkam vidavočna, što pryčyna admovy ŭ pracy pa vakansijach, kudy ja pastajanna źviartajusia čas ad času, nie ŭ maich prafiesijnych navykach i jakaściach, a ŭ minułaj hramadska-palityčnaj dziejnaści, — vykazvaŭ mierkavańnie Anatol. — Učora ja adhuknuŭsia na vakansiju kiroŭcy «chutkaj dapamohi», a siońnia pryjšła admova. Charakterna, što tam dośvied nie patrabavaŭsia, zarobak nievysoki (800 rubloŭ), najaŭnaść pravoŭ katehoryi «V» u mianie majecca. Chacieŭ pasłužyć ludziam, ratujučy ich, chaj i takim čynam, ale, značyć, nie los…»
Byłoha lidara pradprymalnikaŭ nikudy nie brali. Ale ciapier stała viadoma, što jon uznačaliŭ štab adnaho z łukašenkaŭskich spojleraŭ na vybarach.
Ciapier čytajuć
Za palityku asudzili šmatdzietnaha baćku-viernika. Jaho žonka pamierła dva hady tamu5
Za palityku asudzili šmatdzietnaha baćku-viernika. Jaho žonka pamierła dva hady tamu
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
i ciapier što - nie źbirajecca pasłužyć ludziam, ratujučy ich?