Шумчанку, якога не ўзялі кіроўцам на «хуткую», паклікалі кіраваць штабам Канапацкай
Палітык Ганна Канапацкая ў інтэрв'ю выданню «Точка» троху расказала пра сваю каманду на прэзідэнцкіх выбарах.
Як стала вядома з гутаркі, падчас цяперашняй кампаніі штаб Ганны Канапацкай узначальвае Анатоль Шумчанка — «прыкметная фігура ў прадпрымальніцкім руху апошніх дзесяцігоддзяў», — прадстаўляе Шумчанку выданне.
Анатоль Шумчанка — былы кіраўнік грамадскага аб'яднання «Перспектыва», якое адстойвала інтарэсы індывідуальных прадпрымальнікаў. Вярхоўны суд ліквідаваў яго ў верасні 2021 года. У Шумчанкі прайшоў ператрус. Яго затрымлівалі на суткі. Ён застаўся без працы і з таго часу безвынікова намагаўся працаўладкавацца.
Улетку 2022 года Анатоль Шумчанка ад безвыходнасці нават размясціў у сацыяльных сетках даныя сваёй карткі з просьбай дапамагчы матэрыяльна. Аднак на заклік калі і адгукнуліся, то адзінкі.
«Жыццё — суровы настаўнік: мінулыя заслугі ўжо нікому сталі не цікавыя, хутка ўсё забыліся, а на маю просьбу дапамагчы большасць адказала альбо адмовай, альбо простай абыякавасцю», — расказваў Анатоль «Народнай волі».
Ён пакінуў сваё рэзюмэ на сайце па пошуку працы, але ўсюды атрымліваў адмовы.
«Адгукнуўся на вакансію аб продажы аўтамабіляў БМВ, таму што люблю гэтую марку машын і ведаю пра яе ўсё, ды і наогул люблю ўсё, звязанае з аўтабізнэсам, але прыйшла адмова, — расказваў Шумчанка. — Гатовы быў пайсці прадаваць у іншыя кампаніі, але і там адмова…»
«Нібы не дурань і здольны, столькі гадоў кіраваў арганізацыяй, мяняў рашэнні ўрада і мясцовых уладаў, заканадаўцаў на карысць бізнэсу, а прадаваць аўто не бяруць. Ды і наогул нікуды не бяруць…» — скардзіўся ён.
Улетку 2023 года Шумчанка расказваў, што яго не ўзялі нават кіроўцам на «хуткую».
«Цалкам відавочна, што прычына адмовы ў працы па вакансіях, куды я пастаянна звяртаюся час ад часу, не ў маіх прафесійных навыках і якасцях, а ў мінулай грамадска-палітычнай дзейнасці, — выказваў меркаванне Анатоль. — Учора я адгукнуўся на вакансію кіроўцы «хуткай дапамогі», а сёння прыйшла адмова. Характэрна, што там досвед не патрабаваўся, заробак невысокі (800 рублёў), наяўнасць правоў катэгорыі «В» у мяне маецца. Хацеў паслужыць людзям, ратуючы іх, хай і такім чынам, але, значыць, не лёс…»
Былога лідара прадпрымальнікаў нікуды не бралі. Але цяпер стала вядома, што ён узначаліў штаб аднаго з лукашэнкаўскіх спойлераў на выбарах.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу1
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8282
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне82
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
Каментары
і цяпер што - не збіраецца паслужыць людзям, ратуючы іх?