«Značyć, nie los». Anatola Šumčanku nie ŭziali kiroŭcam na «chutkuju»
U abjavie pra vakansii, jakuju raźmiaścili na sajcie pa pošuku pracy, paznačany zarobak — ad 800 da 1000 rubloŭ pry adsutnaści dośviedu pracy i najaŭnaści vadzicielskich pravoŭ katehoryi «B».
Anatol Šumčanka, piša «Narodnaja Vola», užo daŭno šukaje pracu, adhuknuŭsia na prapanovu. I tut ža atrymaŭ kulturnuju admovu.
«Całkam vidavočna, što pryčyna admovy ŭ pracy pa vakansijach, kudy ja pastajanna źviartajusia čas ad času, nie ŭ maich prafiesijnych navykach i jakaściach, a ŭ minułaj hramadska-palityčnaj dziejnaści, — vykazvaje svajo mierkavańnie Anatol. — Učora ja adhuknuŭsia na vakansiju kiroŭcy «chutkaj dapamohi», a siońnia pryjšła admova. Charakterna, što tam dośvied nie patrabavaŭsia, zarobak nievysoki (800 rubloŭ), najaŭnaść pravoŭ katehoryi «V» u mianie majecca. Chacieŭ pasłužyć ludziam, ratujučy ich, chaj i takim čynam, ale, značyć, nie los…»
Apošni hod lidar pradprymalnikaŭ marna šukaje pracu. Jaho nikudy nie biaruć.
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary