BNBK tak i nie vyjšła na prajektnuju mahutnaść i znoŭ prosić dapamohi
Prajekt Biełaruskaj nacyjanalnaj bijatechnałahičnaj karparacyi (BNBK), jaki jašče niekalki hadoŭ tamu Łukašenka nazyvaŭ «bolš, čym kosmas», tak i nie ŭźlacieŭ. Na naradzie 7 krasavika Alaksandr Łukašenka abrynuŭsia z krytykaj na mieniedžmient pradpryjemstva, jakoje tak i nie zdoleła pazbavicca ad statusu «biudžetnaha ŭtrymanca». Niahledziačy na kantrolny pakiet akcyj u rukach dziaržavy (77%) i šmatmiljonnyja ŭlivańni, karparacyja zastajecca stratnaj i prosić novych ilhot.
Udzielnikami narady stali kiraŭniki Savieta Ministraŭ, Nacyjanalnaj akademii navuk, ministerstvaŭ i viedamstvaŭ, a taksama kiraŭnictva sielskahaspadarčych pradpryjemstvaŭ, jakija źjaŭlajucca spažyŭcami pradukcyi BNBK, piša Biełta.
Alaksandr Łukašenka skazaŭ, što padčas zapusku BNBK u listapadzie 2022 hoda havorka išła pra vielizarnyja pierśpiektyvy hetaha navukova-vytvorčaha kłastaru.
«Stvarajučy jaje, niekali my hanarylisia, što my adna z čatyroch ci piaci dziaržaŭ, jakija majuć takija bijałahičnyja technałohii. Pryjšoŭ čas z novym kiraŭnictvam va ŭradzie, u samoj karparacyi pahladzieć na toje, jak jana pracuje. Tamu ja vielmi raźličvaju na abjektyŭnuju acenku dziejnaści BNBK», — adznačyŭ jon. — Płanavałasia, što premijalnyja kambikarmy, premiksy, vitaminy, aminakisłoty nie tolki vyvieduć na novy ŭzrovień ajčynny ahrarny kompleks, ale i stanuć salidnaj artykułam ekspartu, buduć prynosić krainie valutu».
Jon skazaŭ, što karparacyi była akazana istotnaja padtrymka z boku dziaržavy: «Heta i prefierencyi pa vypłacie padatkaŭ, i harantyi ŭrada pa kredytach, i asablivy paradak kursavych roźnic. U statutny fond pradpryjemstva ŭnieśli biudžetnyja srodki ŭ pamiery 226 młn rubloŭ. Tolki lhotnych uradavych kredytaŭ Kitajskaj Narodnaj Respubliki pryciahnuli kala $600 młn».
Ale vyniku tak i nie bačna. «Chacia zarpłatu ŭsie atrymlivajuć spraŭna, amal na 16% vyšej za siarednieabłasny ŭzrovień», — dadaŭ Łukašenka.
«Da ciapierašniaha času na poŭnuju zahruzku mahutnaściaŭ bijachimičnaj i kambikarmavaj vytvorčaściaŭ tak i nie vyjšli. Metavyja pakazčyki vytvorčaj prahramy nie dasiahnuty, zachoŭvajecca vostry deficyt abarotnych srodkaŭ, — skazaŭ Alaksandr Łukašenka. — Što ŭ hetaj situacyi robić kiraŭnictva? Idzie zvykłym šlacham: z praciahnutaj rukoj za dadatkovaj dziaržaŭnaj padtrymkaj».
Niahledziačy na ŭsio heta, Łukašenka nastojvaje, Biełarusi «vostra nieabchodnaja» bijatechnałahičnaja halina. «Heta šlach usich technałahična raźvitych krain. Adstavać my nie možam», — padkreśliŭ jon.
Chacia, pavodle słoŭ Łukašenki, da ciapierašniaha času nie vyznačana, chto źjaŭlajecca kančatkovym spažyŭcom pradukcyi BNBK, jakija pradukty ŭžo stvorany i što novaha budzie prapanavana rynku.
Pieršamu vice-premjeru Mikałaju Snapkovu raniej davałasia piersanalnaje daručeńnie ab realizacyi prajekta BNBK-3 i pryciahnieńni dla hetaha pramych kitajskich inviestycyj. Łukašenka spytaŭ, jak jano vykonvajecca. «Limit padtrymki dadzienaha pradpryjemstva za košt biudžetu daŭno vyčarpany», — skazaŭ jon.
-
«Nad hałavoj lataje pa 20 ton». Brat i siastra ź Biełarusi raskazali, kolki zarablajuć u porcie polskaj Hdyni
-
«Mnohija ludzi stanuć niepatrebnymi». Suzasnavalnik EPAM pra siabroŭstva z Dobkinym, bahaćcie i niaroŭnaść, žyćcio ŭ Łatvii i nastalhiju
-
U lipieni Rasija jašče bolš pavialičyła zakupki paliva ŭ Biełarusi
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary