«Nijakich prapanoŭ nie pastupaje. Naohuł». Lidar pradprymalnikaŭ Anatol Šumčanka raskazaŭ, jak niekalki miesiacaŭ marna šukaje pracu
U pačatku listapada minułaha hoda eks-kiraŭnik likvidavanaj arhanizacyi «Pierśpiektyva», jakaja abjadnoŭvała indyvidualnych pradprymalnikaŭ i była likvidavanaja, publična abviaściŭ, što šukaje pracu.
Anatol Šumčanka raźmiaściŭ svajo reziume na sajtach pa pošuku pracy. Adnak usio akazałasia nie tak prosta…
«Narodnaja Vola» pacikaviłasia, ci znajšoŭ Šumčanka pracu.
— Heta takaja dalikatnaja tema… — raskazaŭ Anatol Šumčanka. — Ja pa-raniejšamu ŭ pošuku. Razhladaju i adhukajusia na mnohija vakansii.
Usiudy patrebny dośvied pracy — heta tyčycca i handlu, i kiravańnia pradpryjemstvam, i inšych śfier.
Uzrost — tut taksama jość abmiežavańni, 48 hadoŭ — i tvajo reziume ŭžo nie vielmi achvotna razhladajuć…
Plus majo minułaje — bahaty bekhraŭnd na nivie hramadska-palityčnaj pracy (abaviazkova ž pakazvaješ, dzie raniej pracavaŭ), mabyć, naściarožvaje pracadaŭcaŭ…
Adnym słovam, usie hetyja faktary ŭ maim vypadku hrajuć nie samuju dobruju rolu.
Choć maje viedy, dośvied, mahčymaści kamunikacyi, arhanizatarskija zdolnaści spatrebilisia b usiudy. Ja byŭ na sumoŭi ŭ adnoj firmie, havorka išła pra adździeł prodažaŭ — urešcie mnie skazali, maŭlaŭ: Anatol, moža, pasprabujecie stvaryć novuju arhanizacyju, jakaja budzie vyrašać pytańni takich bujnych kampanij, jak my?
Nijakich prapanoŭ ab pracaŭładkavańni nie pastupaje. Naohuł! Ale ciapier usim ciažka, ja nie adčajvajusia.
Ja chacieŭ by zajmacca tym, čym zajmaŭsia, ale pry hetym adkryty dla roznaha rodu prapanoŭ, novych prajektaŭ. Kali kamuści patrebnyja maje mazhi, kreatyŭ, arhanizatarskija zdolnaści — razhledžu absalutna ŭsie prapanovy!
Ja viedaju, što mahu mnohaje, jakraz tamu nie hatovy iści roznarabočym na budoŭlu, kiroŭcam taksi abo kurjeram.
Heta ŭsio roŭna, što jechać na novym «Mersedesie» pa bałocie… chtości, moža, na heta i zhadžajecca, ale ja ambicyjny i metanakiravany čałaviek, viedaju sabie canu i ŭpeŭnieny, što mahu prynieści značna bolš karyści, čym kali budu prosta ciahać cehłu. Nie chaču raźmieńvacca pa drobiaziach. Vieru, što ŭ lubym razie ŭsio budzie dobra, — padsumavaŭ Anatol Šumčanka.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary
ciahać cehłu - heta drobiazi?
čto za prieniebriežienije k ludiam truda?
a u samoho kakije takije osobyje tałanty i sposobnosti?