Jak minimum 56 čałaviek zahinuli padčas ciskaniny na futbolnym stadyjonie ŭ Hviniei
Trahiedyja adbyłasia ŭ niadzielu padčas finału futbolnaha turniru ŭ horadzie Nzerekore, napisaŭ u sacsietcy Ch premjer-ministr krainy Amadu Ury Ba.
Biesparadki na stadyjonie pačalisia paśla taho, jak refiery, jaki sudziŭ matč miascovaj kamandy z kamandaj z horada Łabie, vynies rašeńnie ab pienalci, jakoje zaŭziatary paličyli niespraviadlivym. Jany pačali kidać u sudździu kamiani i butelki, potym vybiehli na futbolnaje pole.
Paśla hetaha achova ŭžyła ślozatačyvy haz, i na stadyjonie ŭtvaryłasia ciskanina.
Na videa z matču bačna, jak ludzi sprabujuć pakinuć stadyjon, karaskajučysia na vysoki płot i zatym saskokvajučy z vyšyni.
Taksama videa ź miesca padziej pakazvajuć pierapoŭnienyja balnicy, u jakich paciarpiełyja lažać na padłozie ŭ kalidorach, pakul im akazvajuć dapamohu. Ahienctva AFP sa spasyłkaj na miascovych lekaraŭ paviedamlaje taksama pra pierapoŭnieny morh.
Pakul viadoma, što jak minimum 56 čałaviek zahinuli, uklučajučy dziaciej.
U miascovaj apazicyi zajavili, što turnir byŭ arhanizavany «dla padtrymki niezakonnych i niedarečnych palityčnych ambicyj vajskovaha lidara, prezidenta Hviniei Mamadzi Dumbuja».
Ministr kamunikacyj Hviniei Fana Sumach u zvarocie, začytanym pa nacyjanalnym telebačańni, paćvierdziŭ, što rasśledavańnie trahiedyi ŭžo pačataje. Dumbuja situacyju nie kamientavaŭ.
U Indyi kala sotni čałaviek zahinuli ŭ ciskaninie padčas relihijnaha schodu
Bolš za 550 pałomnikaŭ zahinuli padčas chadžu z-za niečuvanaj śpioki. U Mieccy zaraz +51°S
Siońnia 25 hadoŭ trahiedyi na Niamizie, adnoj z samych strašnych u najnoŭšaj historyi Biełarusi
«Pierad vačyma staić hety moj zabieh i słovy ź pieśni pra myšałoŭku». Biełaruska, jakaja ŭratavałasia ŭ «Krokusie», raskazała, jak joj heta ŭdałosia
Ciapier čytajuć
Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi18
Kamientary