U noč z 25 na 26 listapada było zafiksavana minimum 17 zachodaŭ rasijskich dronaŭ-kamikadze typu «Šachied» u Biełaruś z Ukrainy.
Drony prachodzili praz «Biełaruski kalidor», ruchalisia ŭ kirunku Łojeva, Brahina, Rečycy, Mazyra i Jelska, a adzin ź ich zalacieŭ paŭtorna, piša Biełaruski Hajun.
Pieršy zachod adbyŭsia ŭ 22:26, dron ruchaŭsia ŭ kirunku Łojeva i dalej išoŭ hłybiej u Biełaruś u napramku Vasilevičaŭ (miž Rečycaj i Mazyrom), paśla čaho prapaŭ.
Dalej zachodzili: u 23:05, 23:19, 23:30, 23:56, 00:32, 01:00, 01:14, 01:25, 02:23, 02:31, 02:33, 02:43, 02:51 (2 št), 03:06 i 03:23.
Šachied u 23:56 zalacieŭ praz Asarevičy, praz 10 chvilin viarnuŭsia na Kijeŭskaje vadaschovišča, raźviarnuŭsia nad Ukrainaj i znoŭ zalacieŭ u Biełaruś užo praź Lubieč i palacieŭ na Rečycu. Akramia taho, dva šachiedy mahli być źbityja ŭ Mazyrskim rajonie kala 03:10 — jany prapali adnačasova kala Mazyra.
Za noč načnaja avijacyja VPS RB padymałasia try razy. Pa źviestkach Pavietranych sił USU, nad terytoryjaj Biełarusi byli łakacyjna stračany 5 BPŁA.
Kamientary