U Biełarusi ŭ 2025 hodzie ŭviaduć čarhovuju źmienu dla «darmajedaŭ». Tyja, chto apošnija piać hadoŭ nie pracavaŭ, nie zmohuć pretendavać na dapamohu pa biespracoŭi ad centra zaniataści. Heta praduhledžana praŭkami ŭ zakanadaŭstva pa zaniataści, piša «Lusterka».
Siarod umoŭ, jakija treba vykanać niepracaŭładkavanym, kab atrymlivać dapamohu pa biespracoŭi, prapišuć «znachodžańnie nie mienš za piać hadoŭ da rehistracyi biespracoŭnymi ŭ pracoŭnych adnosinach».
Jak alternatyva moža być praca pa hramadzianska-pravavych dahavorach (praściej kažučy, pa dahavory padradu), ale pry ŭmovie, što vypłačvalisia ŭznosy ŭ Fond sacyjalnaj abarony nasielnictva.
U 2024 hodzie dapamoha pa biespracoŭi składaje maksimum dźvie bazavyja vieličyni, heta značyć 80 rubloŭ. Ale niekatorym katehoryjam, naprykład, jakija vychoŭvajuć dziaciej, dajuć prybaŭku ŭ pamiery 10%. Hetych hrošaj vidavočna nie chopić, kab pražyć na praciahu miesiaca.
Pry hetym statystyku pa hetych vypłatach (u tym liku pa siarednim pamiery i kolkaści tych, kamu ich vydajuć), Biełstat i Minpracy raniej zasakrecili.
U 2025 hodzie ŭłady majuć namier uvieści fiksavany pamier dapamohi pa biespracoŭi. Jaho vyznačaje ŭrad.
Ciapier čytajuć
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13
Kamientary
Jak usio pierakručana ŭ hałovach hetych vykanaŭcaŭ, ź jakoj nianaviściu da ludziej jany ŭdakładniajuć svaje schiemy pomsty i imitacyi dapamohi.
Pry hetym sacyjalnyja lhoty dla svaich - namienkłatury i karnikaŭ - na zusim inšym uzroŭni.