Praz hvałt, pahrozy i ŭhavory. Jak ideołahi zabiaśpiečvajuć «narodnuju luboŭ» da Łukašenki siarod miedykaŭ
Prapahandysty sprabujuć stvaryć iluziju, byccam usia kraina litaralna ŭhavorvaje Łukašenku vyłučycca na nastupny termin. Kanał «Biełyja chałaty» piša, što ŭ apošnija dni pastupaje mnostva paviedamleńniaŭ ab tym, jak u roznych dziaržaŭnych miedycynskich ustanovach, a taksama siarod studentaŭ miedycynskich VNU prachodzić kampanija pa zbory podpisaŭ: praz hvałt, pahrozy i ŭhavory.
Kanał pryvodzić prykład z sanatoryja «Biełarusačka». Zbor podpisaŭ adbyvajecca nastupnym čynam: u kabiniety prynosiać śpisy, u jakich adznačany ŭsie supracoŭniki, i patrabujuć ad ich pastavić podpis, nie tłumačačy, u čym čałaviek raśpisvajecca i dla čaho. Lišnija pytańni nie vitajucca. Pa sutnaści, heta ŭniviersalny scenar, jaki realizujecca ŭ dziaržustanovach.
Adnym ź dziejsnych ryčahoŭ dla tych, chto supraciŭlajecca, źjaŭlajucca pahrozy «razhledzieć, na jakich umovach žyviacie ŭ internatach», kali nie pastavicie podpis. Heta tyčycca jak studenckich, tak i siamiejnych internataŭ. Jak praviła, podpisy źbirajuć nastupnym čynam: na ŭvachodzie ŭ internat stajać ideołahi, jakija patrabujuć ad usich žycharoŭ prajści ŭ adzin z kabinietaŭ i pastavić podpis za «pravilnaha kandydata». Časam mohuć patrabavać raśpisacca ŭ śpisie prosta na miescy, jaki lažyć na stale ŭ vachciora.
Intensiŭnaść cisku, pišuć «Biełyja chałaty», zaležyć ad stupieni impetu kožnaha kankretnaha ideołaha.
Časta hetyja ludzi vielmi inicyjatyŭnyja, nie saromiejucca ahučvać spuščanyja źvierchu pakazčyki. Naprykład, u adnoj z balnic Minska načmied zajaviŭ, što 90% piersanału pavinny padpisać.
Tych, chto admoviŭsia, vyklikajuć na razmovu da ideołaha.
Skončycca heta moža ŭhavorami: «nie treba padvodzić kalektyŭ», «nie stvaraj prablemy načalstvu» ci pramymi pahrozami vysialeńnia ź internata abo niepadaŭžeńnia kantraktu.
U balnicach i paliklinikach supracoŭnikam prychodzić rassyłka: «Prychodzim zaŭtra z pašpartami, budziem stavić podpisy za Łukašenku». Byli precedenty, kali za «aŭtohrafami» prychodzili ŭ kabiniety daktaroŭ prama padčas pryjomu pacyjenta.
U mieduniviersitetach podpisy siarod studentaŭ źbirajuć prama ŭ budynku navučalnaj ustanovy, pryčym kantralujuć, chto padpisaŭsia, a chto nie.
Ciapier čytajuć
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam24
Kamientary
Ale ž PTRS 2020 zastajecca nazaŭsiody!