Грамадства1010

Праз гвалт, пагрозы і ўгаворы. Як ідэолагі забяспечваюць «народную любоў» да Лукашэнкі сярод медыкаў

Прапагандысты спрабуюць стварыць ілюзію, быццам уся краіна літаральна ўгаворвае Лукашэнку вылучыцца на наступны тэрмін. Канал «Белыя халаты» піша, што ў апошнія дні паступае мноства паведамленняў аб тым, як у розных дзяржаўных медыцынскіх установах, а таксама сярод студэнтаў медыцынскіх ВНУ праходзіць кампанія па зборы подпісаў: праз гвалт, пагрозы і ўгаворы.

Студэнты Віцебскага МДУ дзеля прапагандысцкага фота праяўляюць цікавасць да ўрны для галасавання

Канал прыводзіць прыклад з санаторыя «Беларусачка». Збор подпісаў адбываецца наступным чынам: у кабінеты прыносяць спісы, у якіх адзначаны ўсе супрацоўнікі, і патрабуюць ад іх паставіць подпіс, не тлумачачы, у чым чалавек распісваецца і для чаго. Лішнія пытанні не вітаюцца. Па сутнасці, гэта ўніверсальны сцэнар, які рэалізуецца ў дзяржустановах.

Адным з дзейсных рычагоў для тых, хто супраціўляецца, з'яўляюцца пагрозы «разгледзець, на якіх умовах жывяце ў інтэрнатах», калі не паставіце подпіс. Гэта тычыцца як студэнцкіх, так і сямейных інтэрнатаў. Як правіла, подпісы збіраюць наступным чынам: на ўваходзе ў інтэрнат стаяць ідэолагі, якія патрабуюць ад усіх жыхароў прайсці ў адзін з кабінетаў і паставіць подпіс за «правільнага кандыдата». Часам могуць патрабаваць распісацца ў спісе проста на месцы, які ляжыць на стале ў вахцёра.

Інтэнсіўнасць ціску, пішуць «Белыя халаты», залежыць ад ступені імпэту кожнага канкрэтнага ідэолага.

Часта гэтыя людзі вельмі ініцыятыўныя, не саромеюцца агучваць спушчаныя зверху паказчыкі. Напрыклад, у адной з бальніц Мінска начмед заявіў, што 90% персаналу павінны падпісаць.

Тых, хто адмовіўся, выклікаюць на размову да ідэолага.

Скончыцца гэта можа ўгаворамі: «не трэба падводзіць калектыў», «не стварай праблемы начальству» ці прамымі пагрозамі высялення з інтэрната або непадаўжэння кантракту.

У бальніцах і паліклініках супрацоўнікам прыходзіць рассылка: «Прыходзім заўтра з пашпартамі, будзем ставіць подпісы за Лукашэнку». Былі прэцэдэнты, калі за «аўтографамі» прыходзілі ў кабінеты дактароў прама падчас прыёму пацыента.

У медуніверсітэтах подпісы сярод студэнтаў збіраюць прама ў будынку навучальнай установы, прычым кантралююць, хто падпісаўся, а хто не.

Каментары10

  • Лекар
    19.11.2024
    Во які стрэс у ж..пы з вусамі пасля 2020, дагэтуль забыць не можа.
  • Тутэйшы
    19.11.2024
    Як моцна не легетымны хоча лічыць сябе легетымным.
  • Жнівень
    19.11.2024
    Гвалтоўна каханым ня будзеш)),ці гэта іншае?))
    Але ж ПТРС 2020 застаецца назаўсёды!

Цяпер чытаюць

Ціханоўская — Трампу: Лукашэнку трэба пакараць, а не заахвочваць22

Ціханоўская — Трампу: Лукашэнку трэба пакараць, а не заахвочваць

Усе навіны →
Усе навіны

Ціханоўская павіншавала літоўцаў з Днём каранацыі Міндоўга6

У Гродне — канфлікт чаек і людзей: адныя крычаць, другія разбураюць гнёзды4

Пад Мінскам некіраваны карт пратараніў гоншчыка на хуткасці 90 км/г

Таксіст здаў паліцыі трох расійскіх дэзерціраў, не абышлося без страляніны2

Рутэ: Кітай можа справакаваць Расію да нападу на НАТА1

«Злавіла паніку проста ад відэа». У тыктоку завірусіўся ролік пра «бяздоннае» крэйдавае возера3

Ціханоўскі расказаў, як агідна, калі людзі ў камеры вымушаныя самазадавольвацца на вачах у іншых людзей20

У Суле адзначылі Купалле. Гасцей было столькі, што на дарогах утварыліся заторы14

У Беларусі набіраюць папулярнасць сплавы на празрыстых байдарках ФОТАФАКТ

больш чытаных навін
больш лайканых навін

Ціханоўская — Трампу: Лукашэнку трэба пакараць, а не заахвочваць22

Ціханоўская — Трампу: Лукашэнку трэба пакараць, а не заахвочваць

Галоўнае
Усе навіны →

Заўвага:

 

 

 

 

Закрыць Паведаміць