Sinoptyk Dźmitryj Rabaŭ skazaŭ, što listapad budzie samym niepryjemnym miesiacam vosieni 2024 u Biełarusi.
Niahledziačy na piesimistyčny prahnoz na listapad ahułam, nastupny tydzień budzie nie taki sumnym. Apadkaŭ na praciahu nastupnaha tydnia stanie mienš, a tempieratura pavietra pavysicca, raskazaŭ pra nadvorje ŭ Biełarusi z 4 pa 10 listapada sinoptyk Dźmitryj Rabaŭ.
Karotkačasovy doždž i mokry śnieh projduć pa paŭnočnym uschodzie krainy 4 listapada. Miescami zhuściacca tumany. Nie vyklučana ŭzmacnieńnie vietru. Nočču budzie ad -3 da +3 °C. Dniom u paniadziełak prahnazujecca +1…+8°C, u aŭtorak maksimalnaja tempieratura budzie na adzin hradus nižejšaja.
U sieradu miescami mahčymy słabyja karotkačasovyja apadki. Na ŭschodzie moža być słaby hałalod. Unačy budzie kala nula, dniom — ad +3 ° C na ŭschodzie krainy da +11 ° C na zachadzie.
U čaćvier apadki małavierahodnyja. U načny čas stanie ciaplej — +2 … +7 °C. Dniom — +9 … +12 °S. U piatnicu budzie +6…+10°C.
U subotu i niadzielu na bolšaj častcy Biełarusi apadkaŭ nie pradbačycca. Pa načach čakajecca da +6°S, dniom 9 i 10 listapada — da +11°S.
U kanca miesiaca śvietłavy dzień, skaraciŭšysia prykładna na paŭtary hadziny, składzie kala vaśmi hadzin. Źmienšycca i kolkaść soniečnych dzion, a dzion z apadkami čakajecca ad 16 da 20.
— Buduć usio čaściej vypadać apadki ŭ vyhladzie śniehu i mokraha śniehu, z paryvami vietru, — skazaŭ Rabaŭ.
— Pa ŭsiamu, listapad budzie samym niepryjemnym miesiacam hetaj vosieni. Z-za častych niepahodlivych cykłonaŭ i chutkaj źmieny atmaśfiernych pracesaŭ nadvorje stanie vielmi niaŭstojlivym, što moža pryvieści da ekstremalnych źjaŭ nadvorja, — dadaŭ Rabaŭ.
Ciapier čytajuć
Žonka Statkieviča raskazała, pra što paśpieła parazmaŭlać ź im1
Kamientary