15 vieraśnia ŭ tyktoku akaŭnty, źviazanyja z prapahandaj, pravodziać novuju ŭstanoŭku.
«Vyzvaleny» eks-kandydat u prezidenty Mikałaj Statkievič znajšoŭsia ŭ kałonii Hłybokaha.
69-hadovamu padpałkoŭniku-rakietčyku daviałosia vysadzić nahoju dźviery aŭtobusa, kab vyskačyć u niejtralnaj zonie miž Biełaruśsiu i Litvoj, kali jaho sprabavali departavać 11 vieraśnia.
Statkieviča aryštavali jašče da vybaraŭ 2020 hoda. Apošnija 2 hady i 7 miesiacaŭ trymali ŭ režymie inkamunikada ŭ pamiaškańni kamiernaha typu ŭ kałonii Hłybokaha — ad jaho nie było ni słova, ni viestački.
U piatnicu 12 vieraśnia boty-prapahandysty pravodzili liniju «Mikoła źnik, a zmahary jaho navat nie šukajuć».
Pad siońniašnimi rolikami ŭ tyktoku — novaja ŭstanoŭka. Boty robiać akcent na materyjalnaj škodzie, naniesienaj aŭtobusu.
Mikołu Statkieviču 69 hadoŭ. Jon naradziŭsia na Słuččynie ŭ siamji nastaŭnikaŭ. Skončyŭ Minskaje vyšejšaje inžyniernaje zienitna-rakietnaje vučylišča (MVIZRV), słužyŭ u vojsku, abaraniŭ kandydackuju dysiertacyju, vykładaŭ u MVIZRV.
U 1991 hodzie vyjšaŭ z KPSS i staŭ adnym z zasnavalnikaŭ Biełaruskaha zhurtavańnia vajskoŭcaŭ, jakoje damahałasia stvareńnia nacyjanalnaj armii i abarony niezaležnaści.
Z 1995 hoda aktyŭna zajmajecca palitykaj, uznačaliŭ BSDP (Narodnaja Hramada). Arhanizoŭvaŭ šmatlikija akcyi pratestu, za što nieadnarazova aryštoŭvaŭsia i asudžany.
U 2010 hodzie byŭ kandydatam u prezidenty. Paśla ŭdziełu ŭ akcyi 19 śniežnia 2010 hoda asudžany na 6 hadoŭ kałonii ŭzmocnienaha režymu, vyzvaleny ŭ 2015 hodzie.
Znoŭ aktyŭna ŭdzielničaŭ u palityčnych kampanijach i pratestach.
U mai 2020 hoda, jašče da pačatku pratestaŭ, byŭ aryštavany. Asudžany na 14 hadoŭ kałonii asablivaha režymu pavodle abvinavačańnia ŭ arhanizacyi masavych biesparadkaŭ.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary