Konar Makhrehar admoviŭsia ad udziełu ŭ vybarach prezidenta Irłandyi
Były čempijon UFC u dźviuch vahavych katehoryjach Konar Makhrehar admoviŭsia ad udziełu ŭ vybarach. Pra heta jon napisaŭ u sacsietcy X.
«Uvažliva abdumaŭšy i abmierkavaŭšy ź siamjoj, ja zdymaju svaju kandydaturu z prezidenckaj honki, — havorycca ŭ paviedamleńni Makhrehara. — Heta było niaprostaje rašeńnie, ale na dadzieny momant jano źjaŭlajecca pravilnym».
Makhrehar raniej zaklikaŭ svaich prychilnikaŭ damahčysia ŭklučeńnia jaho kandydatury ŭ biuleteń na vybarach prezidenta Irłandyi, jakija projduć u kastryčniku.
U zajavie pra admovu ad udziełu ŭ vybarach Makhrehar adznačaje, što jon «byŭ sapraŭdy kranuty toj padtrymkaj i padbadziorvańniem», atrymanymi padčas znosin z «zabytymi irłandcami», jakija adčuvajuć siabie kinutymi i praihnaravanymi isteblišmientam.
Makhrehar abvinavaciŭ ułady Irłandyi ŭ adsutnaści demakratyčnych vybaraŭ i sastarełaj Kanstytucyi, jakaja abaraniaje ich intaresy.
«Irłandyja abmiežavanaja miežami sastarełaj Kanstytucyi, jakaja vybaračna padtrymlivajecca asnoŭnymi partyjami parłamienta i vykarystoŭvajecca dla praduchileńnia praviadzieńnia sapraŭdy demakratyčnych prezidenckich vybaraŭ, a chutčej dla zabieśpiačeńnia taho, kab u vybarčy biuleteń mahli być uklučany tolki kandydaty, uchvalenyja isteblišmientam», — adznačyŭ samy kasavy bajec u historyi MMA.
Makhrehar padkreśliŭ, što jaho zajava pra ŭdzieł u vybarach pryviała da pieramien u Irłandyi.
Kamientary