Pavodle słoŭ kiraŭnika Nacbanka, hałoŭnaja finansavaja ŭstanova krainy zakazała daśledavańnie ŭ Akademii navuk. Na jaho padstavie mohuć być uniesieny źmieny ŭ instrukcyju pa pryjomie dalaraŭ.
«Pytańnie, jakoje časta sustrakajecca, źviazana z vyjaŭleńniem u ultrafijaletavym śpiektry niejkich utvareńniaŭ (ćvil, hrybki i hetak dalej). Ale ja niejak vyrašyŭ uziacca za hetaje pytańnie, davieści jaho da kanca. Zakazali navukovaje daśledavańnie ŭ Akademii navuk: što ž tam usio ž taki śviecicca? I ŭ ciapierašni čas my atrymali spravazdaču, praanalizavali ŭpłyŭ mikraelemientaŭ abo bijałahičnych strukturaŭ na zachavanaść niepasredna samich hrašovych znakaŭ», — raskazaŭ Hałoŭčanka i dadaŭ, što najaŭnaść elemientaŭ, jakija bačnyja tolki ŭ ultrafijaletavym śpiektry, nie budzie źjaŭlacca abmiežavańniem dla pryjomu takich kupiur.
Eks-kiraŭnik urada raskazaŭ, što «niadaŭna pravodziŭ invientaryzacyju svajoj kapiłki».
«Tam niejkaja kolkaść navat jość, znajšoŭ starych dołaraŭ, jašče nie viedaju ź jakich časoŭ — niedzie kamandzirovačnyja, napeŭna, vydavali. Ja siabie spakojna adčuvaju, nikudy ź imi nie biehaju i kišeniu jany nie cisnuć. Tamu jašče raz mahu tolki paŭtaryć toje, što ŭžo kaliści skazaŭ: nijakich abmiežavańniaŭ na pryjom amierykanskich dalaraŭ, staroha abo novaha ŭzoru, tak zvanych sinich abo biełych, nie isnuje», — dadaŭ jon.
Nahadajem, što niadaŭna Łukašenka raskrytykavaŭ biełaruskija banki, jakija admaŭlajucca brać niekatoryja dalary.
«Davajcie damovimsia, z 1 studzienia 2026 hoda najaŭnaść takich faktaŭ aŭtamatyčna paciahnie dyscyplinarnuju adkaznaść kiraŭnika banka, — zajaviŭ jon — kryŭdzić ludziej niejkimi nadumanymi pytańniami nielha».
Ciapier čytajuć
Ofis Cichanoŭskaj užo ad siońnia pačynaje pracu ŭ Varšavie12
Ofis Cichanoŭskaj užo ad siońnia pačynaje pracu ŭ Varšavie
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary
Problemy kak byli, tak i ostaliś.
Poka sdaš staruju kupiuru, tri obmieńnika pieriebieriotsia.