Prezident ZŠA Donald Tramp vykazaŭ sumnieŭ nakont mahčymaści pramych pieramovaŭ pamiž prezidentam Ukrainy Uładzimiram Zialenskim i kiraŭnikom Rasii Uładzimiram Pucinym z-za ich hłybokaj asabistaj varožaści.
Tramp padčas razmovy z žurnalistami čarhovy raz pachvaliŭsia, što jamu ŭdałosia spynić siem vojnaŭ, ale adnačasova pryznaŭ, što zaviaršyć vajnu Rasii suprać Ukrainy akazałasia značna składaniej, čym jon čakaŭ, piša «Ukrainskaja praŭda».
«Ja dumaŭ, što heta budzie dla mianie lohka. Ale heta akazałasia ciažka», — skazaŭ amierykanski lidar.
Klučavoj pieraškodaj na šlachu da miru jon nazvaŭ hłybokuju asabistuju niepryjaznaść pamiž lidarami dźviuch krain.
«Nianaviść pamiž Zialenskim i Pucinym — niespaścihalnaja», — zajaviŭ Tramp.
Hetaja acenka prymusiła jaho zasumniavacca ŭ efiektyŭnaści pramych pieramovaŭ pamiž Kijevam i Maskvoj.
Adkazvajučy na pytańnie, ci vieryć jon u mahčymaść takich pieramovaŭ, Tramp skazaŭ: «Nie viedaju. Dumaju, mnie daviadziecca havaryć samomu».
Što da taho, kali takaja razmova moža adbycca, prezident adkazaŭ uchilista, adznačyŭšy, što heta moža adbycca «adnosna chutka».
Na ŭdakładniajučaje pytańnie, ci moža nastupnym krokam stać trochbakovy samit, Tramp adznačyŭ, što farmat nie maje značeńnia.
«Buduć pieramovy — ci vy nazaviacie heta samitam, ci prosta sustrečaj, nie maje značeńnia. Ale, imavierna, mnie daviadziecca pryniać udzieł. Jany nienavidziać adzin adnaho tak mocna, što amal nie mohuć razmaŭlać», — padsumavaŭ jon.
Rasija ŭvarvałasia va Ukrainu ŭ 2022 hodzie. Metaj była likvidacyja ŭkrainskaj dziaržaŭnaści i rasčlanieńnie krainy. Adnak rasijskaja armija natyknułasia na rašučy supraciŭ ukrainskaj armii i naroda. U vyniku vajennych dziejańniaŭ kala 400 tysiač čałaviek z abodvuch bakoŭ zahinuli, da 2 miljonaŭ byli paranienyja. Kala 10 miljonaŭ ukraincaŭ vymušanyja byli pakinuć svaje damy.
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary
Intieriesno, jeśli b Maduro stior s ziemli paru amierikanskich horodov, u Trampa nie było by k niemu hłubokoj nienavisti?