Łukašenka sustrakajecca z kiraŭnikom akupacyjnaj administracyi Chiersonskaj vobłaści
Alaksandr Łukašenka sustrakajecca z kiraŭnikom akupavanaj Rasijaj častki Chiersonskaj vobłaści Uładzimiram Saldam.
Łukašenkaŭskaja pres-słužba nazvała jaho «hubiernataram Chiersonskaj vobłaści».
«Temy sustrečy: umacavańnie supracoŭnictva i abmien vopytam u pramysłovaj i sielskahaspadarčaj śfierach», — piša pres-słužba.
«Napieradzie ŭ nas vialiki abjom pracy. My ŭsialak budziem spryjać raźvićciu Chiersonskaj vobłaści», — skazaŭ Łukašenka na sustrečy.
Calda skazaŭ, što ŭ Biełarusi jon nie adčuvaje siabie jak hość: «Ja pryjechaŭ uvohule da svaich siabroŭ».
«A vy i nie hość. My z vami savieckija ludzi, šmat pracavali ŭ adzinaj dziaržavie. Heta vaša ziamla tak, jak Ukraina i Chiersonskaja vobłaść taksama maja ziamla», — skazaŭ Alaksandr Łukašenka.
Raniej Łukašenka ŭžo sustrakaŭsia z kiraŭnikom «DNR» Dzianisam Pušylinym.
Ciapier čytajuć
Žonka Statkieviča raskazała, pra što paśpieła parazmaŭlać ź im16
Kamientary